Аҧсны Аҳәынҭқарра Ахада

 

Алада Уаҧстәыла Ареспублика Ахадас иалху Анатоли Бибилов идныҳәалара

11.04.2017

Аҧсны Аҳәынҭқарра Ахада Рауль Ҳаџьымба Алада Уаҧстәыла Ареспублика Ахадас иалху Анатоли Бибилов дидныҳәалеит.

Адныҳәалараҟны, лымкаала, иҳәоуп:

Ҳаҭыр зқәу Анатоли Илиа-иҧа!

Гәык-ҧсыкала ишәыдысныҳәалоит Алада Уаҧстәыла Ареспублика Ахада имаҵурахьы шәалхра.

Аҧсны жәлар гәыблыла Шәара шәреспублика иазыҟоуп. Агәра згоит шәаргьы ҳаргьы ҳамчқәа еилаҵаны ҳтәылақәа рыбжьара аҧхьаҟагьы еиуеиҧшым аҟәшақәа рыҟны лыҵшәа змоу ҩ-ганктәи аусеицура аҿиара шалҳаршо ҳажәларқәа реизҳазыҕьаразы, иара убас арегионтә ҭышәынтәалареи ашәарҭадареи рырҕәҕәаразы.

Сгәы иаанагоит Шәара шәнапхгарала ҳреспубликақәа реимадара аринахысгьы аҿиара роууеит ҳәа.

Ҳаҭыр зқәу Анатоли Илиа-иҧа, ишәзеиҕьасшьоит агәабзиара, агәамч, шәнапы иану аҭакҧхықәра ду зцу амаҵзураҟны, шәҿаҧхьа иқәгылоу ауснагӡатәқәа рыӡбараҿы аихьӡарақәа.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org