Аҧсны Аҳәынҭқарра Ахада

 

Удмуртиатәи Ареспублика ахаҭарнакцәа рҧылара

10.04.2017

Удмуртиатәи Ареспублика ахаҭарнакцәа рҧылара

Мшаҧымза 10 рзы Аҧсны Аҳәынҭқарра Ахада Рауль Ҳаџьымба Аҳәаахәҭра-ааглыхратә палата ахаҭарнакцәеи Удмуртиатәи Ареспублика ажурналистцәеи дырҧалеит.

Рауль Ҳаџьымба иҳәеит Аҧсны Аҳәынҭқарреи Удмуртиатәи Ареспубликеи реизыҟазаашьақәа аҧхьаҟагьы аҿиара шроуазы агәра шиго. Уи иаҵшьны иҳәеит, ареспубликақәа реизыҟазаашьақәа рырҕәҕәареи рыҿиареи еиҳарак изыбзоуроу Аҧсны ААП-еи Удмуртиеи имҩаҧырго аусура шакәу.

Удмуртиатәи ажурналистцәа зҿлымҳара аҭаны иазҵааит Аҧсны Аҳәынҭқарреи Урыстәылатәи Афедерациеи реизыҟазаашьақәа.

Ахада иаҵшьны иазгәеиҭеит, Урыстәылеи Аҧсни реизыҟазаашьақәа аполитика аҟнеиҧш, аекономикаҿгьы хадара змоу ак акәны ишыҟоу.

Рауль Ҳаџьымба иҳәеит Урыстәыла Аҧсны аекономика ацхыраара шанаҭогьы, ҳтәыла аҿиаразы ахатәы лшарақәагьы шамоу.

«Хырхарҭа хадақәас иҟоуп, ҳәарада, атуристтәи ақыҭанхамҩатәи ҟәшақәа. Аха урҭ рыҿиара алшаӡом афымцамч аҟәша аҿиара ҟамлакәа», - иҳәеит аҳәынҭқарра Ахада.

Уи иацҵаны иҳәеит, ари аганахьалагьы Аҧсни Урыстәылеи русеицура шымҩаҧысуа атәы.

Ахада ажурналистцәа ирзеиҭеиҳәеит, атәылаҟны атуризм аҿиаразы ҩышықәсатәи апрограмма шазырхиоу. Иазгәеиҭеит абри аганахьала Шәачеи Адлери ркурортқәа рацлабра шымариам. Аха убас шакәугьы, аҳәынҭқарра Ахада иажәақәа рыла, Аҧсны урыстәылатәи атуристцәа зҭаауа аҳәаанырцәтәи атәылақәа рыбжьара актәи аҭыҧ шааннакыло.

«Арҭ урыстәылатәи рбагақәоуп. Ҳара иаҳҭаауеит, аха ҳаргьы ҳасасцәа ҳаҭыр рықәаҳҵалароуп, ҳсервис аҩаӡара ашьҭыхрагьы ҳашьҭазароуп», - иҳәеит Рауль Ҳаџьымба.

Аихамҩа атәы ҳҳәозар, Рауль Ҳаџьымба аҭакс иҳәеит Аҧсны иахьаҵанакуа иҟоу аихамҩа аучасток аҵак ду шамоу ҳҳәынҭқарра азы адагьы егьырҭ аҳәынҭқаррақәа рызгьы, Ермантәылагьы убрахь иналаҵаны. Ахада иаҵшьны иҳәеит, аихамҩа ари аучасток ахархәара – еиҿцәажәарала изызнеитәу, изыхцәажәатәу зҵаароуп ҳәа.

Рауль Ҳаџьымба иаҵшьны иҳәеит ауааҧсыра реиҭаҵра апроблема шыҟам. 30% инарзынаҧшуа ҳаушьҭымҭацәа Урыстәылеи хара аҳәаанырцәиаҵаразы ишцо. 80% ишреиҳам аҵара ашьҭахь зыҧсадгьыл ахь ихынҳәуа.

«Ҳара ҳганахьала, урҭ усурҭа ҭыҧла реиқәыршәаразы алшарақәа раҧҵара ҳаҿуп», - иаҵшьны иазгәеиҭиет Ахада.

Аиҧылара ахыркәшараан, Рауль Ҳаџьымба даҽазныкгьы иаҵшьны иҳәеит Аҧсны Аҳәынҭқарреи Удмуртиатәи Ареспубликеи реизыҟазаашьақәа рырҿиара шаҭаху.

Удмуртиатәи Ареспублика ахаҭарнакцәа Аҧсны Аҳәынҭқарра Ахада агәалашәаратә ҳамҭақәа ирҭеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org