Аҧсны Аҳәынҭқарра Ахада

 

Тҟәарчал ақалақь-фырхаҵа аиубилеи адныҳәалара

09.04.2017

Мшаҧымза 9 рзы Аҧсны Аҳәынҭқарра Ахада Рауль Ҳаџьымба Тҟәарчал араион ауааажәларра, анапхгара, аизара ақалақь-фырхаҵа Тҟәарчал аиубилеи рыдиныҳәалеит.  

Ҳаҭыр зқәу тҟәарчалаа!

Тҟәарчал ақалақь аиубилеи – шәара шәымацара ишәтәу ныҳәаӡам, ари Аҧсны жәлар зегьы рфырхаҵара, рхачҳара ирсимволу крызҵазкуа хҭысуп.

Иара убри аангьы иазгәаҭатәуп, тҟәарчалаа ҳмилаҭ-хақәиҭратә ҵысра, ҳҭоурыхтә ҳәынҭқарра аиҭашьақәыргыларазы ақәҧараҟны шәлагаламҭа акырӡа ишдуу.

Амацәаз иҭакыз ақалақь 1992-1993 шш. Аҧсны Аџьынџьтәылатә еибашьраан атәылахьчареи Мрагыларатәи афронт аҟны амчқәа зегьы рҳәаақәҵара, рымҩақәҵара ахьымҩаҧысуаз ҭыҧын.Тҟәарчалтәи аполк аҟнытә шәҩыла аибашьцәа ҳ-Аҧсадгьыл ақырҭуа оккупациатә архәҭақәа ирҿагыланы хацәнмырха еибашьуан. Рыхьӡ кашәара ақәӡам хьӡи-ҧшеи згым Аҧсадгьыл ахьчаҩцәа зегьы!

Тҟәарчал ақалақь ауп аибашьра ашықәс хьанҭақәа раан хыҵакырҭас ирымаз уи иаҧну ақыҭақәарыҟнытә ихьчамыз, зыҧсҭазаара шәарҭазауааҧсыра. Ақалақь ахәшәтәырҭақәа рыҟны раҧхьатәи амедицинатә цхыраара рырҭон аибашьраҿы ахәра зауз аибашьцәа.

Тҟәарчал - арацәаҵхыҩцәа рықалақь, ахаангьы атәылаҟны еицырдыруан аекономикаҟны, ааглыхраҟны, акультураҟны иамаз аихьӡарақәа рыла .

Сгәы иаанагоит, хара имгакәа, ара еиҭа анаплакқәаҧасатәи рылша еиҭашьақәдыргылартә еиҧшаусура хацыркхап ҳәа.

Иахьа ақалақьи Тҟәарчал араион зегьи рхаҿра аиҿкааразы, аиҭашьақәыргыларазы раҧхьатәи ашьаҿақәа рыҟаҵара иаҿуп. Есааира аӡыҧхақәеиатуризми рыҿиаразы алшарақәа цәырҵуеит.

Агәра згоит иҟоу ауадаҩрақәа риааира алыршахап ҳәа, Тҟәарчал ҳтәылаҟны иреиҕьу, иеизҳазыҕьо аҭыҧқәа ируакхап ҳәа.

Акыр исзаҧсоу тҟарчалаа, даҽазнык аныҳәа шәыдныҳәало, гәык-ҧсыкала ишәзеиҕьасшьоит агәабзиара, анасыҧ, аҧхьаҟа аихьӡарақәа!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org