Аҧсны Аҳәынҭқарра Ахада

 

Аҳәынҭқарра Ахада Гагра ақ. Ареспубликатә реабилитациатә центр атехникатә ортопедиа аҟәша даҭааит

08.04.2017

Мшаҧымза 8 рзы Аҧсны Аҳәынҭқарра Ахада Рауль Ҳаџьымба, Гагра араион аҟны иусуратә визит аҳәаа иҭагӡаны, Ареспубликатә реабилитациатә центр атехникатә ортопедиа аҟәша даҭааит.

Аҳәынҭқарра ахада ибеит ареабилитациатә центр ауадақәа.

Ареспубликатә реабилитациатә техникатә ортопедиа аҟәша аҳақьым хада Валери Аҩыӡба излазгәеиҭаз ала, ацентр аҟны аус руеит аҧышәа змоу аспециалистцәа, иаҵшьны иҳәеит аортопедиа азҵаарақәа инарымаданы арахь ишаалоУрыстәылатәи ачымазҩцәагьы зны-зынла.

Валери Аҩыӡба иҳәеит, иара убас Ареспубликатә реабилитациатә центр атехникатә ортопедиа аҟәшаҟны апротезқәа шырзыҟарҵо 1992-1993 шш. Аҧсны аџьынџьтәылатә еибашьра аинвалидцәа, убарҭ рхыҧхьаӡараҟны ишыҟоу амашәыр иақәшәаны ацхыраара зҭаху ахымхәацәагьы.

Иахьа аортопедиа аҟәшаҟны хәыда-ҧсада згәабзиара ацхыраара арҭо ачымазҩцәа 1000 рҟынӡа инаӡоит.

Атәыла Ахада иарҳәеит аспециалистцәа иахьатәи аамҭа иақәшәо аметодикала аус шыруа, шықәсык аҩныҵҟа 100 инареиҳаны протез разырхиара шрылшо.

Атәыла ахада иҟынӡа инаган уадаҩраны ишыҟоу амыругақәа рзымхара.

“Аҳәынҭқарра ахадара ирылшо зегьы ҟарҵоит иазгәашәҭаз ауадаҩрақәа рыӡбаразы”, – иҳәеит Рауль Ҳаџьымба.

Ахада аспециалистцәа иҭабуп ҳәа реиҳәеит зҭакҧхықәра ҧку ауаа рыҧсҭазаара аиҕьтәразы имҩаҧырго аусуразы. 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org