Аҧсны Аҳәынҭқарра Ахада

 

Аҳәынҭқарратә бызшәатә политиказы Аҧсны аҳәынҭқарратә еилакы аҟнытә адныҳәалара

21.03.2017

Аҳәынҭқарратә бызшәатә политиказы Аҧсны Аҳәынҭқарратә еилакы анапхгареи аилазаареи рыхьӡала Рауль Џьумка-иҧа Ҳаџьымба дидныҳәалеит уи ахантәаҩы Нурбеи Ломиа.

Адныҳәалара, лымкаала, иҳәоуп:

Ҳаҭыр зқәу Рауль Џьумка-иҧа! Аҳәынҭқарратә бызшәатә политиказы Аҧсны Аҳәынҭқарратә еилакы анапхгареи уи аилазаареи рыхьӡала гәык-ҧсыкала ишәыдысныҳәалоит шәымшира.

Шәара иҟашәҵо анапхгарала имҩаҧысуеит ҳҳәынҭқарра асоциал-економикатә ҿиара. Убри инаваргыланы, ҳҳәынҭқарратә бызшәа иамоу аҵак ду азгәаҭаны, имҩаҧыжәго аусура иабзоураны ҳҳәынҭқарра асуверенитети ҳажәлар ракзаареи аиқәырхара шалыршахо агәра ҳгоит.

Рауль Џьумка-иҧа!

Шәымшира аҽны ишәзеиҕьасшьоит агәабзиара, агәамч, Аҧсны жәлари аҳәынҭқарреи рымаҵ аураҟны аихьӡара ҿыцқәа!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org