Аҧсны Аҳәынҭқарра Ахада

 

Аҧсны Ахада Рауль Ҳаџьымба адныҳәалара дәықәиҵеит ЕАР Амаӡаныҟәгаҩ Хада ҿыц Антонио Гутерреш ишҟа

17.10.2016

Шәаҳаракыра Антонио Гутерреш!

Ҳаҭыр ду шшәықәысҵо азгәаҭаны, исҭахуп гәык-ҧсыкала ишәыдысныҳәаларц ЕАР Амаӡаныҟәгаҩ Хада имаҵураҟны шәаҭара.

Шәара ишәымоу аҳаҭыри аполитикатә ҧышәеи, агуманитартә ҿиара аганқәа зегьы инарҵауланы рдырреи, жәларбжьаратәи амш азҵаараҟны иҵарны иқәгылоу, иуашәшәыроу азҵаарақәа рыӡбара Шәара гәыкала шәазнеиреи, профессионалла шәазыҟазаашьеи, хымҧада, зҵакы, зҭакҧхықәра ҳараку амаҵураҟны шәусура аихьӡарақәа алзыршо акәны иҟалоит.

Зхақәиҭреи зхьыҧшымреи рзықәҧараҟны ацәыӡ дуқәа змоу аҧсуа жәлар, дарбанзаалак ибжьы ахьуаҳауа, уи зҿлымҳара ахьамоу, қәнагала еибарку адунеиеиҿкаара ашьақәыргылара иашьҭоуп.

Рыцҳарас иҟалаз, Аҧсны адәныҟатәи адунеи алхәдатәра аполитика мҩаҧызго Қырҭтәылеи уи адгылаҩцәеи массала ҳтәылауаа рзинқәа реилагара иахьазку адагьы, уи Нхыҵкавказ арегионқәа рыҟны аҳәынҭқаррабжьаратә еизыҟазаашьақәа рҭышәынтәалара анырра бааҧс аанаҭоит.

ЕАР аҧҵан иуниверсалтәу алегитимра змоу, жәларбжьаратәи аҿиареи ажәларқәеи аҳәынҭқаррақәеи реизыҟазаашьақәеи рыҟны аиҿагыларақәа рҭышәныртәалара хықәкыс измаз адиалог инарҭбааны амҩаҧгара иазкыз зыда ыҟам форумҵас. Ҳара даара ҳақәгәыҕуеит ЕАР атәылақәа-алахәылаҩцәа иазхарҵаз Аҧсны Аҳәынҭқарра ахаҭарнакцәа ироуп ҳәа жәларбжьаратәи аҿахәҳәарҭа милаҭрацәала еилоу ҳажәлар ринтересқәа ирыдҳәалоу азҵаарақәа рзы ргәаанагара ацәыргаразы.

Азин сышәҭозар, ҳаҭыр ду шәықәҵо, ишәзеиҕьасшьоит аҭынчреи, аҭышәынтәалареи, аҿиареи рыхьӡала имҩаҧыжәго шәусураҟны ақәҿиарақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org