Аҧсны Аҳәынҭқарра Ахада

 

ААТЕ аҟны иҟалаз ахҭыс инамаданы аилацәажәара

17.10.2016

ААТЕ аҟны иҟалаз ахҭыс инамаданы аилацәажәара

Жьҭаара 17 рзы Аҧсны Ахада Рауль Ҳаџьымба Аҧснытәи Аҳәынҭқарратә Телерадиоеилахәыра иахьаҵанакуа аҭыҧ аҟны иахьа ашьыжь иҟалаз аҧжәара афакт инамаданы имҩаҧигеит амчратә усбарҭақәа рнапхгаҩцәа алархәны ҷыдалатәи аилацәажәара.

Аҳәынҭқарра анапхгаҩы азинхьчаратә усбарҭақәа ирыдиҵеит зыҽҧызжәази, уи ицзар иҟало ауааи, ахҭыс аиҿкааҩцәеи рхаҭарақәа рышьақәыргыларазы иаҭаху аоперативтә-ҭҵааратә усмҩаҧгатәқәа рымҩаҧгара.

Ахада иара убас адҵа ҟаиҵеит акрызҵазкуа аобиектқәеи ауаа ахьеизо аҭыҧқәеи рыхьчара арҕәҕәара.

Азинхьчаратә усбарҭақәа иҟалаз ахҭыс азы еиуеиҧшым агәаанагарақәа аус рыдырулоит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org