Аҧсны Аҳәынҭқарра Ахада

 

Ахада Владислав Арӡынба ибаҟа аартра иҽалаирхәит

06.10.2016

Жьҭаара фба рзы Ахада Рауль Ҳаџьымба Аҧсны Аҳәынҭқарра актәи Ахада Владислав Арӡынба ибаҟа аартраҟны дықәгылеит.

Ақәгылараҟнытә атекст хаҭәааны:

Акыр иаҧсоу ажәлар!

Иахьа ҳара абра ҳаизеит ҳҳәынҭқарра актәи Ахада, Аҧсны жәлар рмилаҭ-хақәиҭратә қәҧара аҧыза, иахьатәи аҧсуа ҳәынҭқарра ашьаҭаркҩы Владислав Арӡынба ибаҟа аартразы, Гагра ақалақь ахақәиҭтәра Амш азгәаҭаразы.

Владислав Григори-иҧа аҧсуа ҳәынҭқкарра ашьақәыргылареи ашьақәырҕәҕәареи рыҟны илагаламҭа ахә ашьара уадаҩауп. Уи аҧсыуа иашан, патриот дуун, ҧхьагылаҩын, дҿырҧшыган.

Владислав Арӡынба иҟәыҕареи иӡбамҭа иашақәеи ирыбзоураны, иахьа Аҧсны ихьыҧшым ҳәынҭқарроуп.

Иахьатәи Аҧсны аҭоурых аҿы иаҳа ианыуадаҩыз аамҭазы, Арӡынба аҧсуа жәлар рхақәиҭреи рхьыҧшымреи рзы ақәҧара дахагылеит.

Владислав Арӡынба хәыҷгьы дугьы изгәдуны гәыблыла ихьӡ рҳәоит. Абаҟа ашьақәыргыларала ҳара даҽазныкгьы даҳгәаҳаларшәоит ҳҳәынҭқарра актәи Ахада.

Ҳаҧхьагылаҩ дуӡӡа ахааназы ҳажәлар ргәаҿы дынхоит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org