Аҧсны Аҳәынҭқарра Ахада

 

Ахада ҞБА аҳәынҭқарратәра 95-шықәсахыҵра иазку аныҳәатә усмҩаҧгатә далахәуп

01.09.2016

Аҧсны Аҳәынҭқарра Ахада Рауль Ҳаџьымба напхгара ззиуа аделегациа ҞБА аҳәынҭқарратәра 95-шықәсахыҵра иазку аныҳәатә усмҩаҧгатәқәа ирылахәуп.

Аныҳәа азгәаҭара аҳәаа иҭагӡаны имҩаҧысит арҿиаразы ахәыҷтәы академиа «Амра қалақь» аартра, «Иҿымцәааӡо Ахьӡ-аҧша амца» Амемориал аҿаҧхьа ашәҭқәа рышьҭаҵара, иара убас аҳәынҭқкарратә ҳамҭақәа рыҭара иазкыз аусмҩаҧгатә

Рауль Ҳаџьымба иазгәеиҭеит Аҧсныи Ҟабарда-Балкариеи аҭоурыхла, хылҵшьҭрала ҳажәларқәа реиуара, реиҩызара, риашьара адагьы еидызкыло акәны ишыҟоу азеиҧш қәҧара.

«Гәахәараны иҟалеит Аҧсны абиҧара ҿыцқәа ҳаҭырқәҵарала иахаьазыҟоу ҳара ҳзеиҧш ҭоурых, ҳажәларқәа реиуара, ҟабардатәи ҳашьцәа рыҿцаара, реимадара арҿиара иахьашьҭоу. Аҿиара иалагеит аҿар реимадарақәа акультураҟны, аҵарадырраҟны, аҵараиураҟны, иҟоуп алшара ду асоциалтә- економикатә ҿиаразгьы», - иаҵшьны иазгәеиҭеит Ахада.

Ахада игәаанагарала, аиашьаратә Ҟабарада-Балкариеи Аҧсни иахьатәи реизыҟазаашьа аҩаӡара иаҳәоит хара имгакәа азеиҧш проектқәа рымҩаҧгара аҭагылазаашьа шыҟоу, ҳажәларқәа реизҳазыҕьара иазку ҩ-ганктәи аусеицура ахаҭабзиара ҿыц ахь аиасра шалшо атәы.

Ахада иусуратә визит иаан ицуп Ахада Иусбарҭа Анапхгаҩы инапынҵақәа назыгӡо Дмитри Шамба, Ашәарҭадара Ахеилак Амаӡаныҟәгаҩ Муҳамед Кьылба, Агәабзиарахьчара аминистр Андзор Гоов.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org