Аҧсны Аҳәынҭқарра Ахада усуратә визитла ҞЧА даҭааит

Аҧсны Аҳәынҭқарра Ахада усуратә визитла Ҟарачы-Черқьестәи Ареспублика (Урыстәылатәи Афедерациа) даҭааит.

Аҧснынтәи инеиз аделегациа даҧылеит Ҟарачы-Черқьестәи Ареспублика Ахада Рашид Темрезов.

Нанҳәамза 31 рзы имҩаҧысуеит Рауль Ҳаџьымбеи Рашид Темрезови, Аҧсны Жәлар рџьынџьтәылатә еибашьраҟны зхатәгәаҧхарала еибашьуаз, иара убас Абаза уаажәларратә еидгыларақәа р-Ассоциациа «Аҧсадгьыл» иалахәу рҧылара.

Убри адагьы, Аҧсны Аҳәынҭқарра аофициалтә делегациа Ҟарачы-Черқьестәи Ареспубликантә зхатәгәаҧхарала еибашьуаз Аҧсны ахақәиҭреи ахьыҧшымреи зхы ақәызҵаз рбаҟа аартра иазку аныҳәатә церемониа рҽаладырхәуеит.

Авизит аан иазҧхьагәаҭоуп ареспубликақәа рыбжьара ҩ-ганктәи аекономикатә, акультуратә, гуманитартә усеицура азҵаарақәа рылацәажәара.

Рауль Ҳаџьымба иусуратә визит аан ицуп Ахада Иусбарҭа Анапхгаҩы инапынҵақәа назыгӡо Дмитри Шамба, Ашәарҭадара Ахеилак Амаӡаныҟәгаҩ Муҳамед Кьылба, Агәабзиарахьчара аминистр Андзор Гоов.


Возврат к списку