Аҧсны Аҳәынҭқарра Ахада

 

Аҧсны Ахада Нхыҵ Кавказ Ареспубликақәа рышҟа ивизит

30.08.2016

Нанҳәамза 31 – цәыббрамза 1 рзы имҩаҧысуеит Аҧсны Ахада Рауль Ҳаџьымба усуратә визитла Нхыҵ Кавказ иаҭаара.

Авизит аҳәаа иҭагӡаны Ахада даҭаауеит Ҟарачы-Черқьестәи Ареспублика, ара Аҳәынҭқарра Ҟарачы-Черқьестәи Ареспубликантә зхатәгәаҧхарала еибашьуаз Аҧсны ахақәиҭреи ахьыҧшымреи зхы ақәызҵаз рбаҟа аартра иазку аныҳәатә церемониа иҽалаирхәуеит.

Иазҧхьагәаҭоуп ҞЧА Ахада Рашид Темрезов, Аҧсны Жәлар рџьынџьтәылатә еибашьраҟны зхатәгәаҧхарала еибашьуаз, иара убас Абаза уаажәларратә еидгыларақәа р-Ассоциациа «Аҧсадгьыл» иалахәу рҧылара.

Ҟабарда-Балкариатәи Ареспубликахь иусуратә визит аан аделегациа ҞБА аҳәынҭқарра 95-шықәса ахыҵра иазкны Нальчик ақ. аҟны имҩаҧысуа аныҳәатә усмҩаҧгатәқәа ирылахәхоит.

Рауль Ҳаџьымба иусуратә визит аан ицуп Ахада Иусбарҭа Анапхгаҩы инапынҵақәа назыгӡо Дмитри Шамба, Ашәарҭадара Ахеилак Амаӡаныҟәгаҩ Муҳамед Кьылба, Агәабзиарахьчара аминистр Андзор Гоов.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org