Аҧсны Аҳәынҭқарра Ахада

 

Аҧсны Аҳәынҭқарра Ахада Рауль Ҳаџьымба Ирфан Аргәын иуацәеи иҭынхацәеи рышҟа иҟаиҵаз адышшылара

27.08.2016

Аҧсны жәлари Аҧсны анапхгареи рыхьӡала гәалсрыла срыдышшылоит иналукааша ауаажәларра-политикатә усзуҩы, Кавказ ажәларқәа еидызкыло Сҭамҧылтәи аилак шықәсырацәалатәи анапхгаҩы Ирфан Аргәын иҧсҭазаара иалҵра инамаданы.

Ирфан Аргәын иҧсҭазаара Аҧсны амилаҭтә интересқәа рзықәҧара, ҳажәлар рзинқәа рыхьчара иазикит. Уи илшаз даара ирацәоуп Ҭырқәтәыла иҟоу ҳџьынџьуааи ҳареи ҳаимадара аус аҟны, аҧсуа-аҭырқәа еизыҟазаашьақәа рырҿиараҿы, Аҧсныи Ҭырқәтәылеи руаажәларра-политикатә ҧсҭазаараҿы аҧсуа диаспора ароль ашьҭыхраҿы, Аҧсны жәларбжьаратәи апозициа арҕәҕәараҿы.

Ирфан Аргәын есқьынгьы аҧсуа диаспора Ҭырқәтәылан Аҧсны аҿахәы еиҭазҳәо акы акәны иҟаларц азы илиршаз рацәоуп. Иахьа ҳара ҳдиаспора Ҭырқәтәыла Аҧсны аинтересқәа ныҟәызго баагәараҵас иҟоуп, ҳаргьы иҳалшо зегьы ҟаҳҵалоит ҳашьцәеи ҳареи ҳаимадара арҿиареи арҕәҕәареи рзы.

Ирфан Аргәын игәалашәара лаша ахааназ ҳагәқәа рҿы инхоит.
Аџьанаҭ гыларҭас иоуааит!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org