02.10.2015
Рауль Ҳаџьымба идикылеит Бандырма ақалақь ахада Дарсун Мырза напхгара ззиуа Ҭырқәтәылатәи аделегациеи, Ҭырқәтәыла иҟоу Чингиз Ашәба хантәаҩра ззиуа Аҧсуа культуратә центрқәа рфедерациа алахәылаҩцәеи.
Аиҧылара далахәын иара убас Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа.
Аҧсны Ахада Иусҧҟала Аҧсни Ҭырқәтәыла иҟоу аҧсуа диаспореи реизыҟазаашьақәа рыҿиараҟны илагаламҭазы Дарсун Мырза ианашьоуп «Ҳаҭыр зқәу Аҧсны Аҳәынҭқарра атәылауаҩы» аҳаҭыртә хьӡы.
Рауль Ҳаџьымба иаҵшьны иазгәеиҭеит аҧсуа жәлар атәыла анҭыҵ инхо ҳџьынџьуааи дареи реимадара арҕәҕәара иарҭо аҵак ду атәы.
Дарсун Мырза аҳәынҭқарра ахада иҭабуп ҳәа иеиҳәеит ианеишьаз аҳаҭыртә хьӡы азы, иара убас идиныҳәалеит Ахьыҧшымра Амш. «Шәара аибашьраҟны аиааира жәгеит, ишәзеиҕьасшьоит аҭынч ҧсҭазаар ааҟынгьы аиааирақәа», - иҳәеит иара.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
