Имҩаҧысит 2016 шықәсазтәи абиуџьет ашьақәыргыларазы аилацәажәара

,p>Аҧсны Ахада Рауль Ҳаџьымба имҩаҧигеит 2016 шақәсазтәи абиуџьет ашьақәыргылара азҵаарақәа ирызкыз аусуратә еилацәажәара.

Аилацәажәара иалахәын аҧыза-министр Артур Амқәаб, Ахада Иусбарҭа Анапхгаҩы Асҭамыр Ҭаниа, Афинансқәа рминистр Амра Қәаранӡиа, Аекономика аминистр Адгәыр Ардӡынба, атәыла ақалақьқәеи араионқәеи рхадацәа.

Аҧыза-министр иазгәеиҭеит ажьырныҳәа 1, 2016шықәса инаркны Аҧсны абиуџьет анагӡаразы аҧареизакратә системахь ишиасуа. «Ари апроцесс акыр иуадаҩуп аҟнытә ҳаргьы даара ибзианы ҳазыҟаҵазароуп», - иҳәеит Артур Амқәаб.

Рауль Ҳаџьымба ақалақьқәеи араионқәеи рхадацәа ирыдиҵеит аҳәынҭқарра абиуџьет ашьақәыргылара апроцесс активла рҽаладырхәырц. Уи инаҵшьны иазгәеиҭеит ахатә лшарақәа рыла абиуџьет ашьақәыргыларахь аиасреи аҳәынҭқарра асоциалтә хыдҵақәа рынагӡаразы аҩныҵҟатәи ацхыраагӡақәа рхархәаразы аҽазышәареи иамоу аҵакы ду атәы.


Возврат к списку