Аҧсны Аҳәынҭқарра Ахада

 

Аслан Бжьаниа аҳҭнықалақь аҟны арҽеира-еиҭашьақәыргыларатә усурақәа ахьцоз Тарас Шамба ихьӡ зху апарк даҭааит

18.11.2023

Аслан Бжьаниа аҳҭнықалақь аҟны арҽеира-еиҭашьақәыргыларатә усурақәа ахьцоз Тарас Шамба ихьӡ зху апарк даҭааит

Аԥсны Аҳәынҭқарра Ахада Аслан Бжьаниа аҳҭнықалақь аҟны арҽеира-еиҭашьақәыргыларатә усурақәа реиҳарак ахьхыркәшоу Тарас Шамба ихьӡ зху апарк даҭааит.

Ақалақь ахада Беслан Ешба имҩаԥгоу аусурақәа рзы Ахада адырра ииҭеит. Гектарк аиҳа зҵазкуа апарк аиҭееиҿкааразы ахарџь иартәеит 18 млн мааҭ инарзынаԥшуа.
«Адгьыл аҵаҟа ажрақәа алдоуп ахыхь аӡқәа ҭамтәаларц азы. Ара ишьҭаҵоуп 5 нызқь ԥшьыркца метра ахаҳәцәы. Иҟаҵаны ишьақәыргылоуп 58 шьаҟа алашарабагақәа, иара убас еиҭашьақәыргылоуп 12 ҭыџь шьаҟа Индоевропатәи ателеграфтә цәаҳәазы», - иҳәеит Ешба, апарк аԥхьаҟатәи аиҿкаааразы иазԥхьагәаҭоу аусқәа ртәы ацҵаны.

Анаҩс Аслан Бжьаниа дахәаԥшны иҭиҵааит зеиҭашьақәыргылара мҩаԥысуа ԥасатәи арратә гәабзиарачаԥарҭақәа ирыҵаркуа аобиектқәа. Ахада ибзиоуп ҳәа азиҳәеит имҩаԥысуа арҽеира-еиҭашьақәыргыларатә усурақәа рцашьагьы рхаҭабзиарагьы.  

Иара убас аҳәынҭқарра Ахада ақалақь ахада дицны иахәаԥшны ирбеит Аиааира амҩаҟны ацҳа аиҭашьақәыргыларатә усура шымҩаԥысуа. Ацҳа уажәы ишәарҭаӡам, ахархәарагьы иазырхиоуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org