Аҧсны Аҳәынҭқарра Ахада

 

Аслан Бжьаниа таитәи абокс азы аицлабраҟны аиааира згаз Инал Гадлиа дидикылеитт

20.11.2023

Аслан Бжьаниа таитәи абокс азы аицлабраҟны аиааира згаз Инал Гадлиа дидикылеитт

Аԥснытәи таиқәԥаҩы зыкапан 48 кг иҟоу рыҩныҵҟа урыстәылатәи аизгатә гәыԥ далан.

Аицлабра мҩаԥысуан Ҭырқәтәыла Анталиа ақ. аҟны.

Аслан Бжьаниа аспортсмен қәыԥш аиааира идиныҳәалеит, аспорт аҟны аԥхьаҟатәи аихьӡарақәа изеиӷьеишьеит.

«Аферым. Уеихьӡарақәа ҳреигәырӷьеит. Иара убас ашкол аҿгьы аҵара бзианы иуҵалароуп»,- иҳәеит Аслан Бжьаниа, ахықәкы ацхәхьамҵра, аҽазҵәылхра, ахы агәрагара шаҭаху дазхьарԥшны.

Ақәԥаҩ Ахада аҵара бзианы ишиҵало ала ажәа ииҭеит, иара убас аԥхьаҟатәи аицлабрақәа рҟынгьы иҟазара аарԥшра дшазхиоу иҳәеит.

Абоксиор иазыҟаҵаҩ Ҭемраз Гьергьедаа Ахада иҭабуп ҳәа еиҳәеит ареспубликаҟны аспорт аҿиара иаиҭо адгыларазы. «Ари = таитәи абокс аҟны мацара акәӡам, егьырҭ ахкқәа рҟынгьы. Атәыла анапхгара аҿар реиҵааӡараҟны абас аҵак ду змоу ахырхарҭа ишазыҟоу аабоит. Иҭабуп ҳәа шәаҳҳәоит»,- иҳәеит иара.

Аиԥылара иара убас далахәын Аԥсны Жәлар Реизара-Апарламент адепутат Асҭамыр Гьерхьелиа, АК «Гьаргь Аиааира зцу» анапхгаҩы Коба Гогохьиа.

Аиԥылараҟны иара убас ишьҭыхын ареспубликаҟны абаҩрҵәыра аҿиараҟны иактуалтәу азҵаарақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org