Аҧсны Аҳәынҭқарра Ахада

 

Ахада Аминистрцәа реилазаара Аԥыза-министр Актәи ихаҭыԥуаҩ Џьансыхә Нанба дыдирдырит

02.11.2023

Ахада Аминистрцәа реилазаара Аԥыза-министр Актәи ихаҭыԥуаҩ Џьансыхә Нанба дыдирдырит

Аԥсны Аҳәынҭқарра Ахада Аслан Бжьаниа Аминистрцәа реилазаара Аԥыза-министр Актәи ихаҭыԥуаҩ Џьансыхә Нанба дыдирдырит.

"Иацы сара Аусԥҟақәа ҩба снапы рыҵазҩит. Актәи Аусԥҟа  Аԥыза-аминистр актәи  ихаҭыԥуаҩ Беслан Џьапуа хатәгәаԥхарала имаҵзура ааныжьра иазкуп. Исҭахуп  иҭабуп ҳәа иасҳәарц.  Ҳара ҳкомандаҟны ақыҭанхамҩа аминистрс дынхоит. Аҩбатәи Аусԥҟа Аԥыза-министр актәи ихаҭыԥуаҩыс Џьансыхә Нанба иҟаҵара иазкуп. Ари ауаҩ шәара ибзианы дыжәдыруеит. Агәыӷра сымоуп, арҭ акадртә ҽыԥсахрақәа аиҳабыра русура аритм иаԥырхагахарым , рҿаԥхьа иқәгылоу азҵаарақәа рыӡбара иахәап ҳәа",- иазгәеиҭеит Бжьаниа.

Беслан Џьапуа Џьансыхә Нанба  иусураҿы аихьӡарақәа изеиӷьеишьеит. Џьансыхә Нанба атәыла анапхгара иҭабуп  ҳәа реиҳәеит иаадырԥшыз агәрагаразы.  "Сара исылшо зегьы ҟасҵоит, сдырра, сымч-сылша Аминистрцәа реилазаара аусура ахаҭабзиара аиӷьтәра иазыскуеит",-иҳәеит иара.
Џьансыхә Нанба Аԥыза-министр актәи ихаҭыԥуаҩыс иҟаҵаразы Ахада Аусԥҟа инапы аҵаиҩит 2023ш. абҵарамза 1 азы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org