Аҧсны Аҳәынҭқарра Ахада

 

Аслан Бжьаниа Ҵабал ахысырҭаҟны адҵаҟаҵара-штабтә мобилизациатә зыҟаҵарақәа дырҭааит

26.10.2023

Аслан Бжьаниа Ҵабал ахысырҭаҟны адҵаҟаҵара-штабтә мобилизациатә зыҟаҵарақәа дырҭааит

Аԥсны Ахада Аслан Бжьаниа Ҵабал ахысырҭаҟны ахыркәшаратә адҵаҟаҵара-штабтә мобилизациатә зыҟаҵарақәа дырҭааит.
Азыҟаҵарақәа ирылахәын  6-тәи 7-тәи ахысратә бригадақәеи лассы ақәҿыҭразы архәҭақәеи рыҟнытә аррамаҵзурауаа.

Аԥсны Аҳәынҭқарра Арбџьар мчқәа рыштаб хада аиҳабы, аинрал-леитенант
Владимир Савченко Аԥсны Ахада адырра ииҭеит адҵаҟаҵара-штабтә мобилизациатә зыҟаҵарақәа раан имҩаԥырго аиҭахара хықәкыс иамаз азы.
Амобилизациатә зыҟаҵарақәа ирылархәын арратә авиациа (аибашьыга ҳаирпланқәеи  авертолиотқәеи), апилот дызмам аԥырратә аппаратқәа, акәылӡтанктә архәҭақәа, ареактивтәи агәыцәтәи артиллериа, аминаршәгақәа.

Азыҟаҵарақәа раан имҩаԥган вертолиотла аҳаиртә десант артәара, ажәыларатә гәыԥқәа ржәыларақәа.
Аҳәынҭқарра Ахада ибзиоуп ҳәа азиҳәеит имҩаԥгаз аусмҩаԥгатәқәа:
"Адҵаҟаҵаҩцәа иқәдыргылаз адҵақәа қәҿиарала инагӡан, адҵаҟаҵара-штабтә зыҟаҵарақәа еиҿкааны имҩаԥысит», - иҳәеит А.Бжания.

Азыҟаҵарақәа реихшьалақәа рыла иалкаахаз арезервистцәа аҳаҭыртә бӷьыцқәа рыҭан.

Аусмҩаԥгатә иара убас иалахәын Ахада Ихаҭыԥуаҩ Бадра Гәынба, Ахада Иадминистрациа Анапхгаҩы Абесалом Кәарҷиа, Атәылахьчара аминистр Владимир Ануа, Атәылахьчареи амилаҭтә шәарҭадареи рзы Апарламент Аилак ахантәаҩы Ҭемыр  Шергелиа, Атәылахьчареи амилаҭтә шәарҭадареи рзы Ахада иабжьгаҩ Рауль Лолуа, Аԥсны иҟоу Урыстәыла Ацҳаражәҳәаҩ Михаил Шургалин.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org