20.09.2023
Аԥсны Аҳәынҭқарра Ахада Аслан Бжьаниа Алан Гаглоев Алада Уаԥстәыла Ареспублика аԥҵара 33 шықәса ахыҵра идиныҳәалеит.
Адныҳәалараҟны, ҷыдала, иҳәоуп:
"Ҳаҭыр зқәу Алан Едуард-иԥа!
Гәык-ԥсык ала ишәыдысныҳәалоит Шәаргьы аладауаԥстәылатәи ажәлар зегьи Алада Уаԥстәыла Ареспублика аԥҵара 33 шықәса ахыҵра.
Акырӡа зҵазкуа ари амш иаҳәоит шәыжәлар асуверенитети ахьыԥшымреи рахь инагаз амҩаҟны иаадырԥшыз агәамчи агәаӷьреи.
Арҭ ашықәсқәа рыҩныҵҟала Алада Уаԥстәыла анапхгареи ажәлари изыниоз ауадаҩрақәеи ашәарҭарақәеи ириааины иаадырԥшуан ԥгара змам акреи аидгылареи. Шәара хаҭала аҳәынҭқарра аргылараҟны ишәымоу ахачҳара апатриот иаша Аԥсадгьыл ахь имоу абзиабаразы ҿырԥшы бзиоуп.
Сара агәра згоит аиашьаратә Алада Уаԥстәыла ажәлар рԥеиԥш бзиа ачаԥара иазку аҿиареи аизҳазыӷьареи еихсыӷьра ақәӡамкәа ишымҩаԥысло.
Аԥсни Алада Уаԥстәылеи еидызкыло акәны иҟоуп иҷыдоу аизыҟазаашьақәеи азеиԥш ҭоурыхи. Агәра згоит ҳреспубликақәа реизҳазыӷьара ахьӡала ҩ-ганктәи аусеицура аҿиара ишацҵахо.
Ҳаҭыр зқәу Алан Едуард-иԥа, ишәыдысныҳәалоит ари аныҳәа ду. Шәаргьы напхгара ззыжәуа ҳаиашьаратә жәларгьы ишәзеиӷьасшьоит аҭынчра, ахирра».