Аԥсны Аҳәынҭқарра Ахада Аслан Бжьаниа Аҳәынҭқарратә Шәарҭадара Амаҵзура Иҷыдоу ахықәкы змоу ацентр даҭааит. ́
Аҳәынҭқарра Ахада Иҷыдоу ахықәкы змоу ацентр 25 шықәса ахыҵразы адныҳәалара ҟаиҵеит.
Адныҳәалараҟны иҳәоуп:
"Аҩызцәа аофицерцәа!
Ишәыдысныҳәалоит Аԥсны Аҳәынҭқарра Аҳәынҭқарратә Шәарҭадара Амаҵзура Иҷыдоу ахықәкы змоу ацентр 25 шықәса ахыҵра амш!
Иҷыдоу ахықәкы змоу ацентр аԥҵан 1998 шықәсазы Аԥсны Аҳәынҭқарра ауааԥсыра адиверсиа-террористтәи абандиттә гәыԥқәеи рцәыхьчаразы. Ацентр аусура ашықәсқәа зегьы рыҩныҵҟала имҩаԥган иҷыдоу аоперациақәа жәпакы, урҭ рылҵшәақәа ирыбзоураны Аԥсны Аҳәынҭқарра ашәарҭадара акыр ирӷәӷәан. Ҳара иаҳгәалашәоит змаҵуратә ҭакԥхықәра анагӡараан иҭахаз аофицерцәеи аусзуҩцәеи рыхьыӡқәа.
Агәра згоит аофицерцәеи Ацентр аусзуҩцәеи аԥхьаҟагьы азанааҭтәи алеишәатәи ҟазшьа бзиақәа ишрықәныҟәало. Ҳазҭагылоу аамҭазы, 25 шықәса раахыс еиԥш, шәара шәмаҵзура ишәыхьчо, зшәарҭадара алшәыршо Аԥсны жәлар иызкуп.
Сара Аконституциа анагӡара знапы иану, АА Арбџьар Мчқәа рыдҵаҟаҵаҩ хада иаҳасабала иаҭаху зегьы ҟасҵоит Иҷыдоу ахықәкы змоу ацентр адгылареи ацхыраара аҭареи рзы.
Аусзуҩцәа, аофицерцәа, Иҷыдоу ахықәкы змоу ацентр аветеранцәа зегьы ишәзеиӷьасшьоит агәабзиара, ахирра, Аԥсадгьыл амаҵ аураҟны аихьӡарақәа».