18.05.2023
Аԥсны Аҳәынҭқарра Ахада Аслан Бжьаниа Аԥсны ААР Амедиацентр аҟны имҩаԥысуаз афорум «Global Abkhazia» далахәын.
Афорум Аԥсны Аҳәынҭқарра Адәныҟатәи аусқәа рминистрра аԥҵара 30 шықәса ахыҵра иазкын.
Аусмҩаԥгатә аҟны иалацәажәеит ҳаамҭазтәи аполитикеи адипломатиеи инарымаданы иактуалтәу азҵаарақәа, иара убас Аԥсни ИАР, Ааигәа мрагылара, Латинтәи Америка атәылақәеи аус рыцура азҵаарақәа.
Афорум иалахәыз ҷыдала хшыҩзышьҭра арҭеит УА аԥшьгареи адгылареи рыла имҩаԥысуа апостоветтә наӡааӡараҟны аинтеграциатә процессқәа.
Ирылацәажәеит иара убас ашәарҭадара алыршареи, аполитикаҿы ҳаамҭазтәи аинформациа-коммуникативтә технологиақәа русхк аҟны аусеицура, Женеватәи адискуссиақәа ирыдҳәалоу егьырҭ азҵаарақәа.
Афорум иалахәын Аԥсны анапхгара ахаҭарнакцәа, еиуеиԥшым атәылақәа рыҟнытә асасцәа.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
