Аҧсны Аҳәынҭқарра Ахада

Аслан Бжьаниа  УА Атәылахьчара аминистр Сергеи Шоигу Аиааира амш идиныҳәалеит.

Адныҳәаларатә шәҟәаҿы, ҷыдала, иҳәоуп:

«Ҳаҭыр зқәу Сергеи Кужугеҭ-иԥа!
Гәык-ԥсык ала Шәаргьы Урыстәыла ажәларгьы ирзеиӷьасшьоит Аџьынџьтәылатә еибашьра дуӡӡаҟны Аиааира 78 шықәса ахыҵра арыцхә!

  Акрызҵазкуа ари амш аҽны Аџьынџьтәылатә еибашьра дуӡӡа хыркәшан  анемец-фашисттә мпыҵахалаҩцәа ԥыххааны рықәҵарала,  асоветтә ар иргаз аиааирала.  

Ҳаҭырла иаҳгәалаҳаршәоит азеиԥш ҭоурых змоу ари аибашьра ду аҟны иаарԥшыз фырхаҵара: Аԥсны иалҵыз аибашьцәа егьырҭ зегьы инарывагыланы, анацизм ахьыҟам аҭынч ԥсҭазаара иазықәԥон, аиааирагьы ргеит.

Асовет жәлар зегьы реидгылара иабзоурахеит имариамыз ари ақәԥараҟны иргаз аиааира.

  Ҳфырхацәа ргәалашәара ҳажәларқәа еиднакылоит, Аԥсны Аҳәынҭқарреи Урыстәылатәи Афедерациеи рыбжьара аидгыларатә еизыҟазаашьақәа уасхырсгьы иазышьҭалеит»".