21.03.2023
Аҧсны Аҳәынҭқарра Ахада Аслан Бжьаниа Роберт Аршба дидикылеит Аконтрольтә Палата Ахантәаҩы имаҵураҟны изинмчқәа рыҿҳәара ахыркәшара инамаданы.
Роберт Аршба ари амаҵзураҟны данаҭаз 2013 шықәса мшаԥымза 29 инаркны 10 шықәса аус иуит.
Аҳәынҭқарра Ахада Роберт Аршба иҭабуп ҳәа еиҳәеит Аконтрольтә палатаҟны ламысцқьала иусуразы, иара иԥышәа, идыррақәа, ипрофессионализм аԥхьаҟагьы аҳәынҭқарраҟны хархәара шаиуа азгәаҭаны.
Аҧсны Аҳәынҭқарра Аконтрольтә палата аҳәынҭқарратә финанстә контроль мҩаԥызго, иааиԥмырҟьаӡакәа аус зуа иреиҳаӡоу усбарҭаны иҟоуп, иаԥҵоуп 2010 шықәса абҵарамза 5 рзы.
Аконтрольтә палата Ахантәаҩы амаҵзураҟны дагьаҭахоит амаҵзураҟнытә ихы дагьақәиҭтәхоит Аԥсны Жәлар Реизара - Апарламент ала адепутатцәа рзеиԥш хыԥхьаӡараҟнытә иреиҳахаз абыжьқәа рыла хәышықәса аҿҳәара иҭаны. Хаҿык инеиԥынкыланы ҩ-ҿҳәарак иреиҳаны Аконтрольтә палата Ахантәаҩыс дҟалар ауӡом.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
