10.02.2023
Аԥсны Аҳәынҭқарра Ахада Аслан Бжьаниа Аԥсны иҟоу УА Аҷыдалкаатәи Азинмчы змоуи Ацҳаражәҳәаҩ Михаил Шургалин Адипломатиатә усуҩы имш идиныҳәалеит.
Аслан Бжьаниа ахә ҳаракны ишьеит Урыстәыла Аҷыдалкаатәии Азинмчы змоуи Ацҳаражәҳәаҩ Михаил Шургалин Аԥсны Аҳәынҭқарреи Урыстәылатәи Афедерациеи реидгыларатә еизыҟазаашьақәа рырӷәӷәараҟны илагаламҭа.
Адныҳәалараҟны иҳәоуп:
«Ҳаҭыр зқәу Михаил Александр-иԥа! Азин сышәҭозар, Шәаргьы Аԥсны Аҳәынҭқарраҟны иҟоу УА Аҷыдалкаатәии Азинмчы змоуи Ацҳаражәҳәарҭа аусуҩцәагьы ишәыдысныҳәаларц сҭахуп шәзанааҭтә ныҳәа – Адипломатиатә усуҩы имш.
Аԥсны Аҳәынҭқарраҟны иҟоу УА Ацҳаражәҳәарҭа Шәара шәнапхгарала аус ауеит урыстәылатәи адипломатиа иреиӷьу атрадициақәа инарықәыршәаны. Шәара шәыпрофессионализм, шәыпринципра, аус шәазыҟазаашьа аԥсны-урыстәылатәи аиҩызаратә еидгыларатә еизыҟазаашьақәа рырӷәӷәара иацхараауеит.
Акрызҵазкуа абри амш аҽны ишәзеиӷьасшьар сҭахуп Шәаргьы Аԥсны Аҳәынҭқарраҟны иҟоу УА Ацҳаражәҳәарҭа аусуҩцәагьы агәабзиара, ахирра, адипломатиатә усураҟны аҭынчреи аихьӡарақәеи!»
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
