Аҧсны Аҳәынҭқарра Ахада

 

Ахада Аиҳабыра анапхгара алархәны есымчыбжьатәи аусуратә еилацәажәара мҩаԥигеит

29.11.2022

Аԥсны Аҳәынҭқарра Ахада Аслан Бжьаниа Аиҳабыра анапхгара алархәны есымчыбжьатәи аусуратә еилацәажәара мҩаԥигеит.

Аҳәынҭқарра Ахада иҟны аҳасабырба ҟаҵан иҳаҩсыз амчыбжь азы Ахада фымцамчла аиқәыршәаразы иактуалтәу азҵаарақәа рзы иҟаиҵаз адҵа шынагӡоу инамаданы.

Урҭ азҵаарақәа ҳазҭоу ашықәс абҵарамза 22 рзы Урыстәылатәи Афедерациаҟнытә иаагаз афымцамч амҽхаки алшарақәеи, звольтҳараку «Аҽгәара» ацәаҳәаҟны арҿыцратә усурақәа раамҭеихшанҵеи ирыдҳәалан.
  
Иахьазы, аԥыза-министр ихаҭыԥуаҩ, аекономика аминистр Кристина Озган иҟалҵаз адыррала, урыстәылатәи аган 280 млн.кВт.с  афымцамч аагара иақәыршаҳаҭуп. Аха ари амҽхак азхаӡом: ареспублика еиԥҟьарада фымцамчла аиқәыршәаразы ҳазҭоу ашықәс аанҵәаанӡа иаҭахуп 340 млн.кВт.с.

Иахьа ҳара иҳамоуп уахгьы-ҽынгьы хархәара амоуп  8,7 млн.к.Вт,с. урҭ рахьтә 6,6 млн. кВт. сааҭ урыстәылатәи алашароуп, 2 млн.кВтс. инарзынаҧшуа ЕгрыГес аҟынтә иҳауеит. Иара убас имҩаԥысуеит астанциа анапхгара алархәны аусуратә еиҧыларақәа, ЕгрыГес афымцамч амҽхак аизырҳара алшо-иалымшо аилкааразы. Ари амчыбжь азы ишәыдаҳгалараны ҳаҟоуп афымца арцәара ацәцара ҳалшозар аилкааразы аамҭеихшанҵа", - лҳәеит Кристина Озган. "Аҽгәара"  афымцацәаҳәа ҳаракы аиҭашьақәыргылара акәзар, Озган иазгәалҭеит, "Амшынеиқәафымцамч" аусзуцәа арҿыцратә усурақәа нап шадыркыз афымцамч
ҳаракы ацәаҳәақәа реиҭашьақәыргыларазы аспециалистцәа адыҧхьаланы.

Аԥсны Ахада аиԥылара иалахәыз рыхшьыҩ азишьҭеит ари азҵаараҟны азыӡбақәа зегьы шәаны-изаны ишазнеитәу атәы.  «Иазгәаҭоу аҳасабтәқәа аамҭа кьаҿла иӡбазароуп»,-иаҵшьны иҳәеит аҳәынҭқарра Ахада.

Аиԥылараҟны иара убас иалацәажәеит Аԥсны Аҳәынҭқарреи Урыстәылатәи Афедерациеи рыбжьара асоциал-економикатә усеицуразы аиҳабырабжьаратә комиссиа аилатәара амшхәаԥштә.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org