Аҧсны Аҳәынҭқарра Ахада

Аԥсны Аҳәынҭқарра Ахада Аслан Бжьаниа Аҧсны Аџьынџьтәылатә еибашьраҟны Гагра  ахақәиҭтәраан иҭахаз аибашьцәа рбаҟа амҵан ашәҭшьыҵәрақәа рышьҭаҵара иазкыз аусмҩаҧгатә далахәын.

Иҭахаз ргәаладыршәарц уахь инеит Ахада Ихаҭыҧуаҩ Бадра Гәынба, Аҧыза-министр Александр Анқәаб,  Аԥсны Жәлар Реизара - Апарламент Аиҳабы Лаша Ашәба, Ахада Иадминистрациа Анапхгаҩы Џьансыхә Нанба, Иреиҳаӡоу аӡбарҭа Ахантәаҩы Саида Быҭәба, Аҧсны Аҳәынҭқарраҟны иҟоу Урыстәылатәи Афедерациа Ацҳаражәҳәаҩ Михаил Шургалин, Апарламент адепутатцәа, Аиҳабыра алахәцәа, Гагра араион Администрациа ахада Иури Ҳагәышь, аибашьра аветеранцәа, хатәгәаҧхаралатәи аибашьцәа, ауаажәларра рхаҭарнакцәа.