Аҧсны Аҳәынҭқарра Ахада

Аԥсны Аҳәынҭқарра Ахада Аслан Бжьаниа Чечентәылатәи Ареспублика Ахада Р.А. Кадыров  Иира амш идиныҳәалеит.

Ҳаҭыр зқәу Рамзан  Аҳмаҭ-иҧа!

Гәык-ҧсык ала ишәыдысныҳәалоит Шәира амш. Шәара иналукааша политикуп, шәпатриотизмра, иқәшәыргыло ахықәкқәа рынагӡараҟны хеигӡарак ҟамҵакәа ижәбо аџьабааи ирыбзоураны, Урыстәылатәи Афедерациа аҟнеиҧш, уи анҭыҵгьы аҳаҭыр ду шәаҧсахеит. Аҧсны Аҳәынҭқарраҿы Шәара шәнапхгарала Чечентәылатәи Ареспублика иамоу аихьӡарақәа гәахәарала ирыдыркылоит.

Ҳаҭыр зқәу Рамзан Аҳмаҭ-иҧа, гәык-ҧсык ала ишәзеиӷьасшьоит аманшәалара, аҭакҧхықәра ду зцу шәусураҿы аихьӡарақәа.