Аҧсны Аҳәынҭқарра Ахада

 

Имҩаԥысит Ахадеи Аԥсны Жәлар Реизара – Апарламент адепутатцәеи реиԥылара

14.09.2022

Имҩаԥысит Ахадеи Аԥсны Жәлар Реизара – Апарламент адепутатцәеи реиԥылара

Аԥсны Аҳәынҭқарра Ахада Аслан Бжьаниа ареспублика адепутаттә корпус ахаҭарнакцәа алархәны аиԥылара мҩаԥигеит.

Аиԥылара иалахәын Ахада Ихаҭыԥуаҩ Бадра Гәынба, аԥыза-министр Александр Анқәаб, Ахада Иадминистрациа Анапхгаҩы Џьансыхә Нанба, Ашәарҭадара ахеилак Амаӡаныҟәгаҩ Сергеи Шамба, Ахада Иадминистрациа Анапхгаҩы ихаҭыԥуаҩ Зураб Қаџьаиа, адәныҟатәи аусқәа рминистр Инал Арӡынба.

Аиԥылараҟны иалацәажәеит атәыла ауаажәларра-политикатә ҭагылазаашьа, ааигәа имҩаԥысраны иҟоу аилатәараҟны адепутатцәа зхәаԥшраны иҟоу азакәанапроектқәа жәпакы.

Аслан Бжьаниа иаҵшьны иҳәеит ажәлар иалырхыз дарбанзаалак адепутат, далызхаз ауааԥсыра ргәы иҵхо, изыргәамҵуа дазхәыцуазароуп, урҭ ҳасаб рзиуазароуп аԥхьаҟа ирыдыркылараны иҟоу азакәанапроектқәа рыҟны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org