Аҧсны Аҳәынҭқарра Ахада

 

Аҧсны Ахада Аслан Бжьаниа ҞБА даҭааит

09.09.2022


Цәыббрамза 9 рзы, Ҟабарда-Балкариа административтә ҳәааҿы Аслан Бжьаниа хадара ззиуа аҧснытәи аделегациа даҧылеит Ҟабарда-Балкариатәи Ареспублика Аиҳабыра ахантәаҩы ихаҭыҧуаҩ Муаед Кәнижев.
Асасцәа ачеиџьыка рнапы иқәҵаны, амилаҭтә кәашарақәеи ашәақәеи рыла ирҧылеит.

Анаҩс, Аслан Бжьаниеи аҧсуа делегациа алахәцәеи Баксан ақалақь аҟны ар рҧыза Сулҭан Сосналиев инышәынҭра иаҭааит, ара ашәҭшьыҵәрақәа шьҭарҵеит. "Сулҭан Сосналиев аҟабарда жәлар мацара дырҵеиӡам, Кавказ зегьы даҵеи лашоуп. Ҳҳәынҭқарра ашьақәгылараҿы иааникыло аҭыҧ ахә ашьара уадаҩуп, уи ҳара ҳмилаҭтә фырхаҵа иоуп. Даара ҳизгәыдууп. Уи ихьӡ ҳазгәдуны ҳхәыҷқәеи, еизҳауа абиҧарақәеи ирызнаҳгалоит", - иҳәеит Аҧсны Ахада Аслан Бжьаниа.

Аслан Бжьаниа дырҭааит Муса Шанибов, Заур Налоев, Бисарби Бжаноков, Муҳамед Кушхов рнышәынҭрақәа дырҭааит.

Аҳәынҭқарра Ахада иусуратә ныҟәара Аиааиреи Аҧсны Ахьыҧшымреи рымш азгәаҭара, иара убас ҞЧА, ҞБА, Адыгеиа Ареспублика 100 ш. рхыҵра инамаданы имҩаҧысуеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org