Аҧсны Аҳәынҭқарра Ахада

 

Аҧсны Ахада Аслан Бжьаниа Аҩадатәи Кавказ иусуратә ныҟәара иацҵаны имҩаҧысуеит

08.09.2022

Аҧсны Ахада Аслан Бжьаниа Аҩадатәи Кавказ иусуратә ныҟәара иацҵаны имҩаҧысуеит

Цәыббрамза 8 рзы аҳәынҭқарра Ахадеи аделегациа алахәцәеи Аҧсны Аҳәынҭқарра ахақәиҭреи ахьыҧшымреи зхы ақәызҵаз Ҟарачы-Черқьесиа хатәгәаҧхаралатәи аибашьцәа рбаҟа, иара убас Иури Калмыков ибаҟа амҵан ашәҭшьыҵәрақәа шьҭарҵеит.  

Ара имҩаҧысит Аслан Бжьаниеи Аҧсны Аџьынџьтәылатә еибашьраҟны иҭахаз аибашьцәа ранацәеи  реиҧылара. Аибашьра иалахәын ҞЧА аҟнытә 120-ҩык, урҭ рахьтә иҭахеит 13 -ҩык.
Иахьа иара убас Аслан Бжьаниа ашәҭшьыҵәрақәа шьҭаиҵеит Жәларбжьаратәи ачерқьестә ассоциациа напхгара азҭоз, Аҟабарда жәлар рконгресс ахантәаҩы аҳәынҭқарратәи аполитикатәи усзуҩы Иури Калмыков ибаҟаҟны.

Аҧсны Ахада иахьа даҭааит ҞЧА Рашид Темрезов изыӡба ала Аҧсны Аҳәынҭқарра Актәи Ахада Ахада Владислав Арӡынба ихьӡ зыхҵоу арҵаратә комплекс.
Ара ҷыдала гәцаракра амоуп абазеи аҧсуа бызшәеи. Аслан Бжьаниа абаза бызшәа аурок даҭааит, аҵаҩцәа драцәажәеит, Агәаларшәага шҟәы аҟны анҵамҭа нижьит.
«Ҳашьцәа Абазақәа! Ижәдыруаз Аҧсны анапхгара есқьынгьы ҳаимадара арҕәҕәара, арҿиара ишацхраало. Анцәа Илҧха шәымазааит! Аслан Бжьаниа».
Ашкол аҵаҩцәа Аҧснынтәи инеиз асасцәа рзы аконцерт мҩаҧыргеит.

Аҳәынҭқарра Ахада ашкол анапгареи аҵаҩцәеи иҟарҵаз адкыларазы иҭабуп ҳәа реиҳәеит.

Аслан Бжьаниа иқәгылараҿы иҳәеит:

«Ҳаҭыр зқәу ҳашьцәа, ҳаҳәшьцәа! Ҳаиҧылара агәахәара ду снаҭеит. Даҽазныкгьы агәра згеит шәреспублика аҿиара амҩа ишану. Аҧсуааи абазақәеи жәларык роуп, ҳаиашьара аихаҳәара, арҕәәҕәара ҳазхиоуп».
Анаҩс Аслан Бжьаниеи аҧснытәи аделегациеи Хабез ақыҭаҟны Леон иорден занашьоу Мусса Дауров инышәынҭра иаҭааит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org