08.09.2022
Ҟарачы-Черқьесиатәи Ареспубликахь иусуратә ныҟәара аҳәаақәа ирҭагӡаны Аҧсны Аҳәынҭқарра Ахада Аслан Бжьаниа Адунеизегьтәи аҧсуа-абаза жәлар рконгресс иреиҳаӡоу ахеилак ахантәаҩы Мусса Екзакьи иареи реиҧылара мҩаҧысит.
Аиҧылараҟны ирзааҭгылан аҧсуа бызшәа аҿиареи аиқәырхареи, аҭҵаарадырра-культуратә, аспорттә уҳәа Адунеизегьтәи аҧсуа-абаза жәлар рконгресс инанагӡо апроектқәа ирызкыз азҵаатәқәа.
Аҳәынҭқарра Ахада иазгәеиҭеит аҧсуа-абаза жәлар жәларык шракәу, уи еиҳау акгьы шыҟам.
"Ҳара ҳкультура, ҳбызшәа, ҳмилаҭ - ари мазара дууп, хымҧада, ихьчатәуп адунеи аҿы иахьа ашәарҭарақәа шырацәоугьы", - иҳәеит Аслан Бжьаниа.
--
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
