Аҧсны Аҳәынҭқарра Ахада

 

Аслан Бжьаниа «Аҧсны Анацәа аҭынчреи асоциалтә иашареи рзы» ахеидкыла ахаҭарнакцәа дырԥылеит

01.09.2022

Аслан Бжьаниа «Аҧсны Анацәа аҭынчреи асоциалтә иашареи рзы» ахеидкыла ахаҭарнакцәа дырԥылеит

Аҧсны Аҳәынҭқарра Ахада Аслан Бжьаниа «Аҧсны Анацәа аҭынчреи асоциалтә иашареи рзы» ахеидкыла ахаҭарнакцәа дырԥылеит.

Аҳәынҭқарра Ахада "Аҧсны Анацәа аҭынчреи асоциалтә иашареи рзы" ахеидкыла ахаҭарнакцәа ааҧхьара риҭеит атәылаҿы актуалра змоу асоциалтәи ауаажәларра-политикатәи ҧсҭазаара иадҳәалоу апроблемақәа рылацәажәаразы.
Аиҧылара иалахәыз 2023 ш. Аҧсны Аџьынџьтәылатә еибашьраҿы Аиааира 30 ш.ахыҵра азгәаҭара инамаданы аҽазыҟаҵара иазкыз азҵаарақәа ирылацәажәеит.

Ахеидкыла анапхгаҩы Гәыли Кьычҧҳа илҳәеит,  «Ан Лыхьӡ-Лыҧша аорден" аҧҵаразы ажәалагала  ҟалҵарц шылҭаху. "Ари аорден азы ажәа ҳаиҭахьан Владислав Григори-иҧа Арӡынба, аиубилеитә рыцхә азы ари азҵаара ӡбахар бзиоуп», - лҳәеит лара.
Ирылацәажәан ари акатегориа иаҵанакуа атәылауаа тәанчахәыла реиқәыршәареи асоциалтә цхыраара рыҭареи иазкыз азҵаатәқәа.
Аиҧылараҟны иазааҭгылеит аҳәынҭқарратә мазаратә комплекс "Пицунда" Урыстәылатәи Афедерациа аҭара иадҳәалаз азҵаара.
Аслан Бжьаниа иазгәеиҭеит, иҭахаз ранацәа ргәаанагара ҷыдала аҵакы шамоу.
"Сара сганахь ала азҵаарақәа зегьы рҭакқәа рыҟаҵара сазхиоуп, аоппозициа ахаҭарнакцәа рҟынтә еиҧш, ауаажәларра зегьы рҟынтә, иааидкыланы ари азҵаара агәҭынчымра зызцәырнаго рҟынтә.  Ари Аиқәшаҳаҭра шьақәырӷәӷәатәуп ҳәа азысыҧхьаӡоит, ас еиҧш  аӡбамҭа шиашоугьы агәра ганы сыҟоуп",- иҳәеит Ахада, Аҧсназы адокумент шәарҭарак шаҵам аҵшьны иазгәаҭаны.
Ахеидкыла ахаҭарнакцәа ирҳәеит атәыла анапхгара аусура ахырхарҭа адгылара шарҭо. Иаҵшьны ирҳәеит акырӡа шаҵанакуа амчреи аоппозициеи реилибакаара  ҳажәлар ринтересқәа рыхьчареи  ҳҳәыҷқәа рҧеиҧши рзы.
Анацәа ааҧхьара ҟарҵеит ауаажәларраҟны аибарххара алдмыршарц ирылшо зегьы ҟарҵарц.

Аиҧылара ҩ-сааҭк инацны имҩаҧысуан.
Уи далахәын Ахада Иадминистрациа анапхгаҩы Џьансыхә Нанба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org