Аҧсны Аҳәынҭқарра Ахада

 

Имҩаԥысит Аԥсны Ахадеи Ауаажәларратә палата алахәцәеи реиԥылара

17.08.2022

Имҩаԥысит Аԥсны Ахадеи Ауаажәларратә палата алахәцәеи реиԥылара

Аиԥылараҟны ишьҭыхын атәыла ауаажәларра-политикатә, асоциал-економикатә ҿиара азҵаарақәа.

Ауаажәларратә палата амаӡаныҟәгаҩ Гәули Кьычба аҳәынҭқарра Ахада иҭабуп ҳәа иалҳәеит аҳәынҭқарратә дача «Пицунда» амазаратә комплекс аҭара азҵаара инамаданы Апалатахь ауаажәларра иҟарҵаз ааԥхьара иахьақәҿиҭыз.

"Сара есқьынгьы аиҿцәажәара сазхиоуп. Исҭахуп Пицунда инамаданы иҟоу аҭагылазаашьеиԥш, ҳуаажәларра ргәы иҵхо егьырҭ азҵаарақәагьы ҳрылацәажәар", – иҳәеит аҳәынҭқарра Ахада.
Аиԥылараҟны ҩ-саатк инареиҳаны иаартны аицәажәара мҩаԥысит. Аҳәынҭқарра Ахада АП алахәцәа рызҵаарақәа рҭак ҟаиҵеит.

Аиԥылара иалахәын Ахада Иадминистрациа Анапхгаҩы Џьансыхә Нанба, аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа, аԥыза-министр ихаҭыԥуаҩ, аекономика аминистр Кристина Озган, агәабзиарахьчара аминистр Едуард Быҭәба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org