Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа агәраргагатә шәыҟәқәа идикылеит Урыстәылатәи Афедерациа Аҷыдалкаатәи Азинмчи змоу Ацҳаражәҳәаҩ Шургалин Александр Михаил-иԥа иҟнытә

21.07.2022

Аԥсны Аҳәынҭқарра Ахада Аслан Бжьаниа агәраргагатә шәыҟәқәа идикылеит Урыстәылатәи Афедерациа Аҷыдалкаатәи Азинмчи змоу Ацҳаражәҳәаҩ Шургалин Александр Михаил-иԥа иҟнытә

Аԥсны Аҳәынҭқарра Ахада Аслан Бжьаниа агәраргагатә шәыҟәқәа идикылеит Урыстәылатәи Афедерациа Аҷыдалкаатәи Азинмчи змоу Ацҳаражәҳәаҩ Шургалин Александр Михаил-иԥа иҟнытә.
Аныҳәатә церемониа мҩаԥысит ԥхынгәымза 21 асааҭ 18.00 рзы.

Алада иарбоуп Аԥсны Аҳәынҭқарра Ахада Аслан Бжьаниа агәраргагатә шәыҟәқәа инапаҟны аркра иазку аныҳәатә церемониаҟны иқәгылара.

Ҳаҭыр зқәу Михаил Александр-иԥа,

Гәык-ԥсык ала ишәыдысныҳәалоит Аԥсны Аҳәынҭқарраҟны Урыстәылатәи Афедерациа Аҷыдалкаатәи Азинмчи змоу Ацҳаражәҳәаҩ официалла имаҵура аанкылара.
Урыстәыла Ахада Владимир Владимир-иԥа Путин агәрагара ду шәиҭеит ҳтәылҟаны адипломатиатә миссиа напхгара аҭаразы.

Шәара ижәдыруеит аԥсны-урыстәылатәи аизыҟазаашьақәа иҷыдоу аҟазшьа шрымоу – урҭ аидгыларатә еизыҟазаашьақәа шьаҭас ирымоуп аҳәынҭқаррабжьаратә еиқәшаҳаҭрақәа:   «Аиҩызареи, аусеицуреи, аицхыраареи рзы» 2008 шықәса аҟнытә, «Аидгылареи астратегиатә еиҩызареи рзы» 2014 шықәса аҟн..

Изныкымкәа ишазгәаҭоу еиԥш, ҳусеицура иалҵшәаны ҳара иҳалшеит зымҽхак ҭбааӡоу ҩ-ганктәи аизыҟазаашьақәа рзы аиқәшаҳаҭра-зинтә база аԥҵара.
Ҳазҭагылоу аамҭазы аԥсуа-аурыс ганқәа активла аусура мҩаԥыргоит Урыстәылатәи Афедерациа азакәанԥҵара инақәыршәаны амилаҭтә закәанԥҵара ашьақәыргыларазы, ари иалнаршоит атәылахьчареи ашәарҭадареи, аекономикатә, акультуратә усеицура аусхкқәа рыҟны иазԥхьагәаҭоу азҵаарақәа зегьы рыӡбара.
Ҳаизыҟазаашьақәа рыҟны акрызҵазкуа ак акәны иҟоуп Аԥсны Аҳәынҭқарра Асоциал-економикатә ҿиара ацхрааразы аинвестициатә программа анагӡара. Ари – УА иаҳнаҭо хәы змаӡам цхыраароуп
Хымԥада иаҭахны исыԥхьаӡоит ҳтәылақәа рыбжьара ахәаахәҭра-економикатә еимадарақәа реизырҳара.

Убри аангьы ҷыдала иазгәасҭарц сҭахуп иҟоу жәларбжьаратәи аҭагылазаашьа ҳасаб азуны, ҳадгылаҩ – Урыстәыла аганахьала зеиԥш ҟамлац асанкциатә қәыӷәӷәара, иаартны мраҭашәаратәи аҳәынҭқаррақәеи арра-политикатә алианси Украина имҩаԥысуа иҷыдоу арратә операциа, Киев ишьақәыргылоу мҽхакыҭбаалатәи анацисттә режим аан рхымҩаԥгашьа иаҭахны ишьақәнаргылоит аидгылара зыбжьоу атәылақәа адәныҟатәи ашәарҭара иааизакны аҿагылараҟны ҳусеицура.
Абри аҟнытә еиҳагьы актуалра аманы иҟанаҵоит ашәарҭадара адәныҟатәи акәыршашьҭа аԥҵара.

Ҳаҭыр зқәу Михаил Александр-иԥа, иазгәасҭазарц сҭахуп Шәара шәаԥхьа иҟаз ацҳаражәҳәаҩцәа - Семион Григориеви Алексеи Двинианини аус  ду шымҩаԥыргаз, Аԥсны ажәлар ари даара ҳаҭыр ақәырҵоит. Шәколлегацәа аҭынха бзиа шәзынрыжьит.
Агәра згоит Аԥсны Аҳәынҭқарреи Урыстәылатәи Афедерациеи ирыбжьоу аидгыларатә еизыҟазаашьақәа рырӷәӷәареи рырҿиареи рыҟны ишәылшо зегьы шыҟашәҵо. Аус здуулаша ыҟоуп.
Ацҳаражәҳәаҩ Шәхацкы, даҽазныкгьы сшәыдныҳәаларц сҭахуп.

  Михаил Шургалин атак ҟаҵо, иҳәеит: «Ҳаҭыр зқәу Аслан Гьаргь-иԥа, аколлегацәа,ҳаҭыр зқәу аҩызцәа! Сара сзы иахьа гәахәароуп ара аҟазаара. Аӡәырҩы ԥасагьы шәыздыруан, аԥхьаҟа ҳзеибадыршагьы ыҟоуп. Аԥсны Аҳәынҭқарреи Урыстәылатәи Афедерациеи аидгылара зыбжьоу ҳәынҭқаррақәоуп, стратегиатә партниорцәоуп. Урыстәыла Ахада Владимир Путин аус ду снапы ианиҵеит, аҳәара ҟаиҵеит агәраргагатә шәыҟәқәа шәыҭаразы, ари иаанаго, ҳаҭыр зқәу Аслан Гьаргь-иԥа, сажәа агәрагара ҟалоит Урыстәыла Ахадеи аиҳабыреи ирҳәазар еиԥш. Иҭабуп шәахьысзыӡырҩыз».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org