Аҧсны Аҳәынҭқарра Ахада

 

Аҳәынҭқарра Ахада Тҟәарчал араион администрациаҟны аилацәажәара мҩаҧигеит

20.07.2022

Аҳәынҭқарра Ахада Тҟәарчал араион администрациаҟны аилацәажәара мҩаҧигеит

Аԥсны Аҳәынҭқарра Ахада Бжьаниа Аслан Гьаргь-иԥа ҧхынгәымза 20 рзы Тҟәарчал араион администрациаҟны аилацәажәара мҩаҧигеит, атәылауаа рызҵаарақәа рҭакқәа ҟаиҵеит.

Аизара иалахәын Ахада ихаҭыҧуаҩ Бадра Гәынба, Ахада Иусбарҭа анапхгаҩы ихаҭыҧуаҩ Зураб Қаџьаиа, аҧыза-министр актәи ихаҭыҧуаҩ Беслан Џьапуа, аекономика аминистр ихаҭыҧуаҩ Ҭемраз Амқәаби, атәылахьчара аминистр ихаҭыҧуаҩ  Нодар Аҩӡба, апарламент адепутатцәа, араионтә администрациа анапхгара.

Араион аҟны иҟоу аҭагылазаашьа иазкны ажәахә хада ҟаиҵеит Исидор Дочиа. Уи иҳәеит инхо ауааҧсыра рхыҧхьаӡара ишартәо 1503-ҩык. Бжьаратәла ауалафахәы иартәоит 12 нызқьи 118 мааҭ.
2022-тәи ашықәс актәи азбжазы абиуџьет нагӡан 123% рыла, аплан аҟны иарбан 103 млн 396 нызқь мааҭ, фактла иаланагалеит 128 нызқьи 301 мааҭ, 29 млн 851 нызқь мааҭ - ахатә хархәагақәоуп, 77 млн 450 нызқь мааҭ - ареспубликатә биуџьет аҟынтә ацхыраароуп. Аныхратә хәҭа 99% рыла инагӡоуп, даҽакала иаҳҳәозар, аплан аҟны иарбан 93 млн 510 нызқь мааҭ, иныхуп 92 млн 803 нызқь мааҭ.
Ашықәс актәи азбжазы аматериалтә цхыраара рыҭан Тҟәарчал инхо атәылауаа 393 нызқьи 600 мааҭ рыхә.
Аҳасабырбатә аамҭахҵәаха аан ашәахтә шәара азы аплан нагӡоуп 322% рыла. Иаланагалоит ҳәа иазгәаҭаз 10 млн 60 нызқь мааҭи раан ааимҭа иартәеит 32 млн.704 нызқь мааҭ.
Ашәахтә шәатәқәа рзы азеиҧш уал иартәоит 29 млн 580 нызқь мааҭ. 2010 ш.инаркны 2022 ш-нӡа Аҧсны асоциал-економикатә ҿиара ацхрааразы аинвестициатә программа  ала имҩаҧгаз аусурақәа рыхә иартәоит 945 млн 538 нызқь мааҭ.

2020-2022ш.ш. Аинвестпрограммала Тҟәарчал араион аҟны иазгәаҭоуп 100 млн.мааҭ рыхә аусмҩаҧгатәқәа 7. Ҳазҭагылоу аамҭазы инагӡоуп аусмҩаҧгатәқәа 2, уи 13млн.856 нызқь мааҭ артәоит.
Ашәахтәқәа реизга аҩаӡара иартәеит 60%, ҵыҧх аасҭа 10% рыла еиҳауп. "2021ш. ақыҭанхамҩа аҿиара" ахықәкытә программала Тҟәарчал араион инагӡоуп апроектқәа хәба, 16млн 278 нызқь мааҭ рыхә. Ари апрограмма ҳазҭоу ашықәс азы иацҵоуп. Араион зегьы аҟны қьырала игоуп 2304 гектар адгьыл, урҭ рхыҧхьаӡараҿы 804 гектар ақыҭанхамҩатә ҵакы змоу ахырхарҭала, 1500 ақыҭанхамҩатә ҵакы змам.
Араион аҟны иҟоу акриминогентә ҭагылазаашьа Дочиа хар амам ҳәа азиҳәеит. Аҩныҵҟатәи аусқәа русбарҭа фымз ирылагӡаны ишьақәыргылоуп ацәгьоурақәа фба, ашьаустә ҟазшьа змоу. Урҭ рахьтә иаартуп хҧа, абасала ацгьоурақәа раарта иартәеит 50% рыла.

Араион ахада иазгәеиҭеит араион аҟны аекономика аҿиара хықәкыс иҟаҵаны, аинвестициа адԥхьалара шаҭаху, ҳазҭагылоу аамҭазы уи аганахьала апроектқәа жәпакы рынагӡаразы аусура шымҩаԥысуа. Урҭ рахьтә ихадарқәоу рахь иаҵанакуеит - Тҟәарчалтәи арацәаҵхра аус адулара, ԥасатәи азауад "Аргонавт"  ашьаҭала аҭаҭын аалыҵ аҭыжьразы афабрика аартра аус. Ас еиҧш ауснагӡатә 1000 рҟынӡа аусуратә ҭыҧ аҧнаҵоит.

Аизараҟны Аслан Бжьвниа азҵаарақәа ирҭеит аҩныҵҟатәи адәныҟатәи аполитика инадҳәаланы. Иара убас иазааҭгылан аҳәынҭқарратә дача "Пицунда" адгьылҵакыраҟны иҟоу амазаратә комплекс аҭаразы  аиқәшаҳаҭра ашьақәырӷәӷәара азҵаара. Аҳәынҭқарра Ахада хәҭа-хәҭала азҵаара аҭак ҟаиҵеит. Аусуратә еиҧылара иалахәыз ари азҵаараҟны Ахада игәаанагара идгылеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org