Аҧсны Аҳәынҭқарра Ахада

Аԥсны аҳәынҭқарра Ахада Аслан Бжьаниа Урыстәылатәи Афедерациа Ҭаҭарсҭани Башкорҭасҭани имҩаԥысуаз иусуратә ныҟәара хыркәшаны Аԥсны Аҳәынҭқаррахь дхынҳәит.

Уфа Жәларбжьаратәи аҳаиртә баӷәазаҟны Аԥснытәи аделегациа анаскьагара иалахәын Башкорҭасҭан Аиҳабыра Аԥыза-министр Андреи Назаров, Башкорҭасҭан Ареспублика Аҳәынҭқарратә Еизара – Курултаи Ахантәаҩы Константин Толкачиов, БА аекономикатә ҿиареи аинвестициатә политикеи рминистр, аԥыза-министр актәи ихаҭыԥуаҩ Русҭам Муратов уб.