Аҧсны Аҳәынҭқарра Ахада

 

Аԥсны Ахада амузеитә комплекс «ШУЛЬГАН-ТАШ» даҭааит

15.07.2022

Аԥсны Ахада амузеитә комплекс «ШУЛЬГАН-ТАШ» даҭааит

Аԥсны Аҳәынҭқарра Ахада Аслан Бжьаниеи Башкорҭасҭан Аиҳабыра Аԥыза-министри аҭоурых-культуратә музеитә комплекс «ШУЛЬГАН-ТАШ», иара убас Бурзиантәи араион аҟны аҳаԥы иаҭааит.        

Андреи Назаров иазгәеиҭеит «Шульган-Таш» амузеи европатәи аҩаӡара шамоу, ари Бурзиантәи араион атуристцәа рацәаҩны ишаднаԥхьало.

Аԥыза-министр иҳәеит «Шульган-Таш» амузеи ацаҟьа иану асахьа ауаатәҩса зегьы ирмалны ишыҟоу, аԥхьаҟа уи ИУНЕСКО Адунеизегьтәи аҭынха ахьарбоу асиа ианылар шахәҭоу.

Аԥсны Аҳәынҭқарра Ахада Аслан Бжьаниа иибаз азы игәаанагара АИХ ахаҭарнакцәа иреиҳәеит.  Уи иажәақәа рыла, ареспубликаҟны иҟазаара аԥхьатәи амшқәа инадыркны Башкорҭасҭан аԥшӡара агәахәара ду шинаҭаз.
Аԥсны Ахада иҳәеит Бурзиантәи араион аҟны иибаз ашьҭахь аҩ-республикак ирзеиԥшу шырацәоу, ҷыдала, излеиԥшугьы Аԥсни Башкорҭасҭани иџьашьахәу рыԥсабара шакәу.

«Башкорҭосҭан даара иԥшӡоуп, аиаҵәара, аӡиасқәа, ашәаԥыџьаԥ.«Шульган -Таш» амузеи иаҳәоит ареспублика анапхгареи ауааԥсыреи аҭоурыхи аԥсабареи ишреиҷаҳауа, гәцаракра ду шарҭо, ареспублика амчраҟны иҟоу аҭҵаарадырреи археологиеи знапы алаку адгылара шрырҭо, - иҳәеит  Аслан Бжьаниа. – Аԥснеиԥш, Башкорҭосҭангьы аӡыргара маҷк аҭахуп, агьыс, арҭ арегионқәа рыҟны атуристтә лшара бзиақәа ыҟоуп, рҭи есышықәса ирызҳалоит ҳәа сгәы иаанагоит".
Амузеии аҳаԥи рыҟны аныҟәарақәа рнаҩс Аслан Бжьаниа иҳәеит Аԥсны ауааԥсыра Башкорҭасҭан хымԥада иаҭаарц шрабжьиго, еиҳаракгьы, Бурзиантәи араион, убри аан, иаҵшьны иҳәеит Аԥсынгьы есымша атуристцәа ишырзыԥшу.

«Шульган-Таш» акомплекс — амузеи-аҳәырԥсарра аофис хада афункциа назыгӡо ҭҵаарадырратә, ҵаралашаратә музеиуп. Агалереиа аекспозициаҟны иҟоуп  атематикатә блокқәа быжьба: амедиазал, таимлаин, аблокқәа «Ацаҟьаҩыратә ҟазара», «Археологиа», «Аԥсабара-ҭҵаарадырратә», «Аепос Урал-баҭыр», «Аиқәырхара». Акомплекс аекспонат хада — ижәытәӡатәиу аҳаԥы ацаҟьа нҵамҭақәа ррепродукциақәа реизга.  Уи ҷыдала иаздырхиеит афранцыз ҵарауаа Arc & Os аҟазарҭаҟны Монтиниаке. Акомплекс азеиԥш ҵакыра иартәоит 4 нызқь. ԥшь. м.
--


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org