05.07.2022
Аҧсны Аҳәынҭқарра Ахада Аслан Бжьаниа Боливариантәи Ареспублика Венесуела Ахьыҧшымра амш инамаданы Николас Мадуро ишҟа адныҳәалартә цҳамҭа ишьҭит.
Адныҳәаларатә текст аҟны иҳәоуп:
"Ҳаҭыр зқәу Ахада!
Сара хаҭала иара убас Аҧсны Аҳәынҭқарра ажәлар рыхьӡала ҳаҭырла сшәыдныҳәаларц сҭахуп шәмилаҭтә ныҳәа - Боливариантәи Ареспублика Венесуела Ахьыҧшымра амш инамаданы.
Аҧсны Аҳәынҭқарразы аҵак ҷыда амоуп аиҩызара дуи аилибакаареи шьаҭас измоу аҧсны-венесуелатәи аизыҟазаашьақәа рыҿиара.
Агәра згоит ҳалшарақәа реидҵарала аҳәынҭқаррабжьаратә еиҿцәажәара аҧхьаҟатәи аҿиареи арҕәҕәареи, ҳажәларқәа реизҳазыҕьара иазку ҳусеицуреи ишрыцҵахо.
Ҳаҭыр зқәу Ахада, абри аныҳәамш аҽны ишәзеиҕьасшьарц сҭахуп шәнапы злашәкуа аусқәа рыҟны аихьӡарақәа, Боливариантәи Ареспублика Венесуела ажәлар – аҭынчра, ахирра, аизҳазыҕьара".
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
