Аҧсны Аҳәынҭқарра Ахада

 

Ахада Арегионбжьаратәи акультуратәи еимадаракәа рыла аҳәаанырцәтәи атәылақәа рымадаразы УА Ахада Иусбарҭа аиҳабы дидикылеит

30.06.2022

Ахада Арегионбжьаратәи акультуратәи еимадаракәа рыла аҳәаанырцәтәи атәылақәа рымадаразы УА Ахада Иусбарҭа аиҳабы дидикылеит


Асас аԥсшәа иаҳәаны, аҳәынҭқарра Ахада ари авизит аҳәаақәа ирҭагӡаны лыҵшәа змоу аусура амҩаԥгара дшақәгәыӷуа атәы азгәеиҭеит.

«Иҟоуп зҵаарақәак Шәара шәеиԥш иҟоу анапхгаҩы хшыҩзышьҭра зиҭаша. Сгәы иаанагоит урҭ рхацыркра ҳацхраап ҳәа»,- иаҵшьны иҳәеит Аслан Бжьаниа.

Игор Маслов аҳәынҭқарра Ахада иҭабуп еиҳәеит аиԥыларазы. Уи иазгәеиҭеит аделегациа Аҟәаҟа амҩа иахьықәыз аинвестициатә обиектқәак рыҟны ишнеиз, ишырбаз. Аделегациа алахәцәа аобиектқәа рыпроектқәа еиқәзыршәази урҭ зтәуи ирацәажәеит.

«Ҳалала иаҳбар иакәын, уи ҳара ҳзы аҵакы аман аԥхьаҟа ҳусура иацаҳҵарц азы. Хықәкы хаданы иҳамоуп Аԥсны ҭышәынтәаланы арҿиара, 2025 шықәсазы Алада-Федералтә округ асоциалтә-економикатә рбагақәа рышҟа рнагара», - иазгәеиҭеит   Игор Маслов.

Арегионбжьаратәи акультуратәи еимадаракәа рыла аҳәаанырцәтәи атәылақәа рымадаразы УА Ахада Иусбарҭа аиҳабы иаҵшьны иҳәеит азҵаарақәа жәпакы Ахада Аслан Бжьаниа дызлахәхо Москва имҩаԥысуа аиԥыларақәа раан ишыӡбахо. Документқәак аус рыдулара хыркәшоуп,

Ахада Аслан Бжьаниа Игор Маслов ҳамҭас ииҭеит Аԥсны Амилаҭтә Банк агәаларшәагатә монета «Аԥсны иналукааша ауаа» асериа иаҵанакуа «Искандер ифырхацәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org