Аҧсны Аҳәынҭқарра Ахада

 

Ахада ЕАР еснагьтәи аиҿкааҩ Сабина Махл дидикылеит

30.06.2022

Ахада ЕАР еснагьтәи аиҿкааҩ Сабина Махл дидикылеит

Аԥсны Аҳәынҭқарра Ахада Аслан Бжьаниа аиԥылара мҩаԥигеит ЕАР еснагьтәи аиҿкааҩ Сабина Махл, ЕАР Иреиҳаӡоу акомиссар иусбарҭа азеиԥш зҵаарақәа рзы иабжьгаҩ Мариа Волошкевич, иара убас ЕАР еснагьтәи аиҿкааҩ иҷыдоу ицхырааҩ  Ерик Андермо злахәыз аиԥылара. Аиԥылара иара убас далахәын Аԥсны Аҳәынҭқарра Адәныҟатәи аусқәа рминистр Инал Арӡынба.

Ари аиԥылараан ирылацәажәеит Аԥсны Аҳәынҭқарраҟны иҳәынҭқарратәым аиҿкаарақәеи ЕАР Аусбарҭақәа инарыгӡо апроектқәеи апрограммақәеи ирыдҳәалоу азҵаарақәа.

Аԥсны Ахада ЕАР ахаҭарнакцәа иреиҳәеит аусураҿы аартреи аполитикатә зҵаарақәа рыҟны ганкы мацара адымгылареи хымԥада ишаҭаху. Иара убас иазгәаҭан аҵакы шамоу Аԥсны Аҳәынҭқарраҟны иҟоу аҭагылазаашьа обиективла жәларбжьаратәи ауаажәларра рызнагаразы Аԥсны Аҳәынҭқарра ахаҭарнак ЕАР аҟны иқәгылара.

Аиԥылараҿы ишьҭыхын Женеватәи адискуссиақәа ралыршара азҵаара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org