Ахада Џьансыхә Адлеиба дахьтәоу Ахақәиҭра ашҭаҿы днеит

Иахьа, ашьыжь Аԥсны Аҳәынҭқарра Аслан Бжьаниа Џьансыхә Адлеиба дахьтәоу Ахақәиҭра ашҭаҿы днеит, иара 17 мшы ҵуеит абылтәы ахә ацлара инамаданы амлашьратә акциа мҩаҧигоижьҭеи.

Ахада иазгәеиҭеит, хықәкыла абылтәы ахәшьақәыргылара азҵаарақаус адулара ишаҿу. Аҳәынҭқарра Ахада Џьансыхә Адлеиба Ахада Иусбарҭахь ааҧхьара ииҭеит, абылтәы ахә ашьақәыргылара иазку адокументқәа иирбарц азы.
Убри аан,  Џьансыхә Адлеиба иҳәеит, ихала ус еиҧш иҟоу аӡбамҭа шизидымкыло.

Аҳәынҭқарра Ахада иҳәеит агәҭынчымра шизцәырнаго Џьансыхә Адлеиба игәабзиара, дазҵааит амлашьҩы ишҟа аҳақьымцәа рааира шыҟоу атәы.
Аслан Бжьаниа даҽазныкгьы Џьансыхә Адлеиба иабжьигеит амлашьра даҟәыҵырц,  иҳәеит иҟоу ауадаҩра инамаданы аиҿцәажәара дшазхиоу.


Возврат к списку