Аҧсны Аҳәынҭқарра Ахада

 

Ахада Аԥсны Аҳәынҭқарра Абжьаҟазаратә Ӡбарҭа аколлектив ахьӡала адныҳәалара ҟаиҵеит

03.06.2022

Аԥсны Аҳәынҭқарра Ахада Аслан Бжьаниа Аԥсны Аҳәынҭқарра Абжьаҟазаратә Ӡбарҭа  аколлектив ахьӡала адныҳәалара ҟаиҵеит.

Ҳаҭыр зқәу Аԥсны Аҳәынҭқарра Абжьаҟазаратә Ӡбарҭа  аколлектив, ишәыдысныҳәалоит аӡбарҭа аԥҵоижьҭеи 25 шықәса ахыҵра амш.
Аԥсны Аҳәынҭқарра Абжьаҟазаратә Ӡбара ашьақәгылара мҩаԥысуан иуадаҩыз аибашьрашьҭахьтәи ашықәсқәа раан, аха убас шакәызгьы иара есқьынгьы ауаажәларреи аҳәынҭқарреи рҭаххарақәа ирықәшәон. Ари раԥхьа иргыланы Абжьаҟазаратә ӡбарҭа аветеранцәа ирыбзоуроуп.
Абжьаҟазаратә ӡбарҭа аӡбаратә системаҟны аекономикатә еизыҟазаашьақәа ирылахәу рзинқәеи закәанла ирымоу ринтересқәеи назыгӡо акрызҵазкуа хәҭаны иалоуп.
25 шықәса рыҩныҵҟа аԥышәа ду шәырҳаит. Уи ишәылнаршоит лыҵшәабзиала зхаҭабзиара ҳараку аусура амҩаԥгара, шәнапы иану аусқәа рганахьала иҵаҵӷәырку аӡбамҭақәа рыдкылара.  

Шәара шәусура аҭакԥхықәра ду, аусдырра шәыднаҵоит. Аӡбаҩцәеи аколлектив зегьи рыпрофессионализм, робиективра иалшо рацәоуп Ареспублика аӡбаратә система зегьы аҳаҭыр ашьҭыхраҟны.
Сара агәра згоит аԥхьаҟагьы ламысла азакәан амаҵ шазыжәуло, атәылаҟны азинлеишәеи азакәанреи арӷәӷәара иацхрауаа шәусура шеиӷьышәтәло.

Абри аныҳәамш азы Аԥсны Аҳәынҭқарра Абжьаҟазаратә Ӡбара аколлектив зегьы ирзеиӷьасшьоит русураҿы аихьӡарақәа, ахирра.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org