Аҧсны Аҳәынҭқарра Ахада

 

Ахада Аиааира 77 шықәса ахыҵра азгәаҭара иазкыз аусмҩаԥгатәқәа дрылахәын

09.05.2022

Ахада Аиааира 77 шықәса ахыҵра азгәаҭара иазкыз аусмҩаԥгатәқәа дрылахәын

Лаҵарамза 9 рзы, Аџьынџьтәылатә еибашьра дуӡӡаҟны Аиааира 77  шықәса ахыҵра аҽны Аҧсны Аҳәынҭқарра Ахада Аслан Бжьаниа Аҟәа Идырым асолдаҭ ибаҟа амҵан ашәҭшьыҵәрақәа рышьҭаҵара ацеремониа далахәын.

Ашәҭшьҭаҵара ацеремониа иалахәын иара убас аԥыза-министр Алеқсандр Анқәаб, Аԥсны Жәлар Реизара – Апарламент Аиҳабы Лаша Ашәба, Аԥсны иҟоу Алада Уаԥстәыла Ареспублика ацҳаражәҳәаҩ  Олег Боциев, Аԥсны иҟоу Урыстәыла аусқәа рыҟны аамҭалатәи агәрага Максим Литвинов, Аԥсны иҟоу Приднестровиатәи Молдавиатәи Ареспублика Аофициалтә хаҭарнакра ахада Гарри Кәупалба, Ахада Иадминистрациа Анапхгаҩы Алхас Кәыҵниа, Аҟәа ақ. Администрациа ахада Беслан Ешба, Аиҳабыра алахәцәа, аруаа, амчратә еилазаара ахаҭарнакцәа.
Аҳәынҭқарра Ахада Амҳаџьырқәа рыԥшаҳәаҟны имҩаԥысыз апарад далахәын.

Аныҳәатә марш ҟаҵаны ииасит Аԥсны Аҳәынҭқарра Атәылахьчара аминистрра, Аԥсны игылоу 7-тәи урыстәылатәи арратә база, Аԥсны иҟоу УА ААМ Аҳәаахьчаратә усбарҭа Аҳәынҭқарратә шәарҭадара амаҵзура Аҳәаахьчаратә отриад, АҬА, ААР, ААМ, Аҳәынҭқарратә миграциатә маҵзура, Аҟәатәи иреиҳаӡоу азеиԥшартә адҵаҟаҵаратә ҵараиурҭа рышьаҟауаатә колоннақәа рпарадтә архәҭақәа.

Аиааира апарад идикылеит атәылахьчара аминистр аинрал-полковник Владимир Ануа.

Ишаԥу еиԥш, идырым асолдаҭ ибаҟа амҵан адәны крыфара хдыртит. Ахада асолдаҭцәа рқашь агьама ибеит, Аиааира амш азы аныҳәаҿагьы иҳәеит, аветеранцәа ирзеиӷьеишьеит агәабзиара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org