05.05.2022
Аҧсны Аҳәынҭқарра Ахада Аслан Бжьаниа Џьансеҭ Казанҧҳа лыҧсҭазаара лалҵра инамаданы лҭаацәа рыхьӡала адышшылара ҟаиҵеит.
"Гәалсра дула исыдыскылеит Џьансеҭ Казанҧҳа лыҧсҭазаара лалҵра ахҭыс.
Џьансеҭ Казанҧҳа ихатәраз уаҩын. Дарӷьажәҩаны, дыгәрагаҩны дивагылан аинрал Уалид Маршьан. Аҟазшьа ӷәӷәа лыман, убри аан дыгәцаракын, дҳалалын, дыздыруаз зегьы лыҧхарра рыдуп.
Џьансеҭ Казанҧҳа Шьамтәылатәи Арабтә Республикеи Аҧсны Аҳәынҭқарреи реизыҟазаашьа аҿиара аус аҟны ллагала рацәоуп, уи ҳтәылаҿы еснагь иргәалашәоит.
Ауаҩ ҟәыӷа, зеиӷьыҟам агәаӷь зызҭаз Џьансеҭ Казанҧҳа лгәалашәара ҳгәаҵаҿы наунагӡа иаанхоит.
Абри аҩыза агәаҟра амшқәа рзы Џьансеҭ Казанҧҳа лҭаацәа, иара убас дыздыруаз зегьы гәыла-ҧсыла срыдышшылоит, ргәырҩа рыцеиҩысшоит".
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
