Аҧсны Аҳәынҭқарра Ахада

 

Ахада Урыстәыла Аҳәаахьчаратә усбарҭа Аиҳабы Аинрал-маиор А.Иу. Кудимов Аԥсны Аҳәынҭқарраҟны иҟоу Урыстәыла Аҳәаахьчаратә усбарҭа аԥҵара амш идиныҳәалеит

30.04.2022

Аԥсны Аҳәынҭқарра Ахада Аслан Бжьаниа Урыстәыла Аҳәаахьчаратә усбарҭа Аиҳабы Аинрал-маиор  А.Иу. Кудимов Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура Аҳәаахьчаратә усбарҭа аԥҵара амш идиныҳәалеит.

«Ҳаҭыр зқәу Андреи Иури-иԥа!

Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура
Аҳәаахьчаратә усбарҭа хаҭалатәи аилазаарагьы Шәаргьы ишәыдысныҳәалоит  Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура
Аҳәаахьчаратә усбарҭа аԥҵара амш.
Иудаҩу агеополитикатә ҭагылазаашьаҟны аҳәаахьчаҩцәа хьӡы-ԥшала ҳреспублика аҳәаақәа рыҟны аррамаҵура иахысуеит.

Урыстәылатәи Афедерациа Аԥсны ашәарҭадара алзыршо, зыгәрагоу стратегиатә ҩызоуп.
Аԥсны Анапхгара ахә ҳаркны иашьоит аҭышәынтәалареи аҭынчреи ралыршараҟны Аԥсны Аҳәынҭқарраҟны иҟоу Урыстәыла ААМ Аҳәаахьчаратә усбарҭа инанагӡо ароль.
Ҳаҭыр зқәу Андреи Иури-иԥа, хаҭалатәи аилазаарагьы Шәаргьы абри аныҳәамш азы ишәзеиӷьасшьоит агәабзиара, аҭынчра, аррамаҵзура ахысраҟны аԥхьаҟагьы аихьӡарақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org