Ахада Аԥсны жәлар Мшаԥныҳәа рыдиныҳәалеит

Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны аиашахаҵара ныҟәызго ақьырсианцәеи Мшаԥныҳәа азгәазҭо ҳауаажәлар зегьи дрыдныҳәалеит.  

Акыр иаԥсоу ҳауаажәлар!

Ишәыдысныҳәалоит Мшаԥныҳәа Лаша!

Иԥшьоу Мшаԥныҳәа ҿыцәаара зқәым анцәахаҵара алашара иахылҵуа ҩныҵҟала ԥхарра ҷыдак ҳазҭо ныҳәа дууп.

Аԥсҭазаара ҿыц, доуҳала аиҭеира, зегь зымчу - абзиабара символра азызуа ныҳәоуп иара. Доуҳала аизҳаразы, ауадаҩрақәа риааиразы ҷыдала агәазыҳәара ҳазҭо Мшаԥныҳәа аҽны арыцҳаибашьара, аихӡыӡаара, анажьра реиԥш иҟоу иреиӷьу, ауаҩытәҩсатә ҟазшьақәа ҿыхоит ҳагәқәа рҿы, иара убас Мшаԥы иацу аҵасқәа ҳаҩнаҭақәа рыҟны даҽакы иаламҩашьо гәалаҟазаарак цәырыргоит, аҭаацәаратә традициа бзиақәа ҳрыздырхынҳәуеит.

Акыр иаԥсоу аҩызцәа, Мшаԥы Лаша аныҳәа аныҳәа алҧха-агәыҧха  шәыцзааит, шәыгәҭакқәа рынагӡараҟны аихьӡарақәа шәзаанагааит, ҩнаҭацыԥхьаӡа ишәыгымзааит аилибакаара, аҳәоуеиқәшәара, аҳаҭыреиқәҵара.

Аҧснеиԥш, адунеи ахьынӡанаӡааӡо ишьақәгылааит аҭынчра, иҟалааит аизҳазыӷьара!

Ҽааныбзиала шәнеиааит!


Возврат к списку