Ахада Никита Симониан дидикылеит

Ахада Никита Симониан дидикылеит

Аԥсны Аҳәынҭқарра Ахада Аслан Бжьаниа дидикылеит СССР зҽаҧсазтәыз аспорт азҟаза, СССР зҽаҧсазтәыз азыҟаҵаҩ, Урыстәылатәи ашьапылампыласратә еидгыла ахада ихаҭыҧуаҩ Никита Симониан.

Аҳәынҭқарра Ахада гәык-ҧсыкала еицырдыруа ашьапылампыласҩы аҧсшәа еиҳәеит, зхәыҷрашықәсқәа Аҟәа имҩасыз Никита Павел-иҧа ахәыҷы инаиркны аду иҟынӡа ара зегьы дшырдыруа азгәаҭаны.
"Шәара зыхьӡ нагоу уаҩуп, агәабзиара шәзеиӷьасшьарц сҭахуп. Ҳазшаз ҳиҳәоит шәышықәса шәхыҵра иазку аиубилеи шәыҧсадгьыл Аҧсны иазгәаҳҭартә аҭагылазаашьа ҳаиҭарц. Иҭабуп идуӡӡаны ҳәа шәаҳҳәоит ҳҳәынҭқарра абиҧарақәа аӡәырҩы рзы иҟашәҵаз азы. Бзиала шәаабеит", - иҳәеит Ахада.
--
Никита Симониан аҳәынҭқарра Ахада иҭабуп ҳәа еиҳәеит аԥхарра зҵаз аиҧыларазы.
"Аҧсны сара сы-Ԥсадгьыл ауп ҳәа исыҧхьаӡоит, ара имҩаԥысит сара схәыҷреи сқәыҧшреи.  Аброуп сара иахьеилыскааз ашьапылампыл закәыз. Сара еснагь Аҧсны Аҳәынҭқарра аизҳазыӷьара амҩа ианызарц сҭахуп. Ихәыҷызарагьы, ари сара стәылоуп",-ҳәа азгәеиҭеит Никита Симониан.

Аспорттә еихьӡарақәа рзы, Аҧсны ашьапылампыл аҿиара аусхк аҟны илагаламҭа ду азы абаҩарҵәыреи аспорти рыларҵәаразы рзы зеиӷьыҟам ашьапылампыласҩы азыҟаҵаҩ Никита Симониан ианашьоуп "Ахьӡ-Аҧша" аорден II аҩаӡара. Абри азы Аусҧҟа инапы аҵаиҩит Аԥсны Ахада Аслан Бжьаниа.

Иреиҳаӡоу аҳәынҭқарратә ҳамҭа Никита Симониан официалла ианеишьеит Аԥсны Аҳәынҭқарра Ахада Аслан Бжьаниа.
Бжьаниеи Симониани агәаларшәагатә ҳамҭақәа еимырдеит.


Возврат к списку