Аҧсны иҟоу Аурыс милаҭ џьынџьуаа реиҿкаара акоординациатә еидгылара ахеилак, 21 еиҿкаара еидызкыло, Аҧсны Аҳәынҭқарра Ахада, Аҧсны Аҳәынҭқарра Арбџьармчқәа Иреиҳаӡоу адҵаҟаҵаҩ Аслан Бжьаниа Иирамш идырныҳәалеит.
«Ҳаҭыр зқәу Аслан Гьаргь-иҧа! Ишәыдаҳныҳәалоит Шәирамш!
Ишәзеиӷьаҳшьоит агәабзиара, анасыҧ, аихьӡарақәа, аҭынчра.
Ҳара агәра ҳгоит, Шәара шәыпрофессионализм, шәдырра, шәҧышәа имариам аамҭазы Урыстәылеи Аҧсни ргәылеимабзиаратә еизыҟазаашьақәа инарымаданы Аԥсны Аҳәынҭқарра ҭышәынтәаланы аҿиара ишацхраауа».