Аҧсны Аҳәынҭқарра Ахада

 

Ахада УА Адәныҟатәи аусқәа рминистр С. В. Лавров Иирамш идиныҳәалеит

21.03.2022

Ахада УА Адәныҟатәи аусқәа рминистр С. В. Лавров Иирамш идиныҳәалеит

Аԥсны Аҳәынҭқарра Ахада Аслан Бжьаниа Урыстәылатәи Афедерациа Адәныҟатәи аусқәа рминистр С. В. Лавров Иирамш идиныҳәалеит.

«Ҳаҭыр зқәу Сергеи Виктор-иҧа!

Ҳаҭырла сшышәзыҟоу азгәаҭо, гәыла-ҧсыла ишәыдысныҳәалар сҭахуп Шәирамш.  
Иналукааша адипломат, зажәа акрылнадо аполитик иаҳасабала, Шәара шәрылахәуп Жәларбжьаратәи аизыҟазаашьақәа русхәаҧштә аҟны иуадаҩӡоу азҵаарақәа рыӡбара.
Адипломатиатә усхк аҟны иаашәырҧшуа алҵшәақәа, жәларбжьаратәи аренаҟны  атәыла амилаҭтә интересқәа рыхьчараҟны ишәымоу аихьӡарақәа ирыбзоураны адунеи зегь аҟны шәколлегацәа рыбжьара Шәара иахәҭоу азхаҵара шәымоуп.

Ҳаҭыр зқәу Сергеи Виктор-иҧа,  Аҧсны Аҳәынҭқарраҟны ҷыдала ҳаҭыр шәықәырҵоит ҳҳәынҭқаррақәа рыбжьара аиҩызара, аусеицура, зинеиҟаралатәи адиалог арӷәӷәара инамаданы ҳ-Республика аганахьала ишәымоу азыҟазаашьазы.

Аҵак ду змоу ари амш азы, ҳаҭыр зқәу Сергеи Виктор-иҧа, ишәзеиӷьасшьоит шәусураҿы аихьӡарақәа, шәыпрофессионалтәи шәыҧсҭазааратәи гәҭакқәа рынагӡараҟны ақәҿиарақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org