Аҧсны Аҳәынҭқарра Ахада

 

Ахада инапы аҵаиҩит Аимадареи, амассатә коммуникациақәеи, аҧхьаӡацркратә ҿиареи рзы аҳәынҭқарратә еилакы ахантәаҩы иаҭаразы Аусԥҟа

18.03.2022

Аԥсны Аҳәынҭқарра Ахада Аслан Бжьаниа инапы аҵаиҩит Берулаа Роланд Фиодор-иԥа Аҧсны Аҳәынҭқарра Аимадареи амассатә коммуникациақәеи аҧхьаӡацркратә ҿиареи рзы аҳәынҭқарратә еилакы ахантәаҩыс иаҭаразы Аусԥҟа.

Ҳалуашь Беслан Виктор-иҧа хыхь иарбоу амаҵзураҟнытә ихы дақәиҭтәуп Аҧсны Аҳәынҭқарра Жәлар Реизара - Апарламент ахь депутатс иалхра инамаданы.

Аусԥҟа иаҵаҩуп иахьа, 2022 ш. хәажәкырамза 18



Абиографиа

Берулаа Роланд Фиодор-иԥа диит 1971 ш. Тҟәарчал ақ.
1988 ш. далгеит Баслахәтәи абжьаратә ашкол.
2002 ш. далгеит ААУ аҭоурыхтә факультет «аҭоурых» азанааҭ ала.
1989 – 1991 шш. СССР Арбџьар Мчқәа рыҟны аррамҵзура дахысуан.
1992 – 1993 шш. Аԥсны Аџьынџьтәылатә еибашьра далахәын, Мрагыларатәи афронт аҟны радистс дыҟан. Аԥсны Аҳәынҭқарра Ахада 30.06. 1995 ш.аҟн.  Иусԥҟа №57 ала Леон иорден ианашьоуп.
1993 – 1994 шш. АА АМ Аштаб хада арадиоелектронтә қәԥара иазку архәҭақәа рыҟны аррамаҵзура дахысуан.
1995 – 1997 шш. – АА Атәылахьчара аминистрра авзвод адҵаҟаҵаҩ ихаҭыԥуаҩ.
1998 – 2000 шш. - АА Атәылахьчара аминистрра иҷыдоу архәҭа аимадара аиҳабы.
2000 – 2002 шш. – АА Аҳәынҭқарратә ҳазалхратә еилакы аҟны аррамаҵзура дахысуан.
2002 – 2003 шш. - АА Атәылахьчара аминистрра иҷыдоу архәҭаҟны аррамаҵзура дахысуан.
2003 – 2005 шш. - АА Атәылахьчара аминистрра АХ аимадара амаҵзура аиҳабы.
2005 ш. – АА Арбџьар Мчқәа Рыштаб Хада иҷыдоу аимадара аиҳабы.
2005 ш. – УА АМ Азеиԥшарртә академиа Арҵаратә центр аҟны дахысит аофицертә еилазаара реиҭазыҟаҵареи рыквалификациа ашьҭыхреи ирызку акурс.
2005 – 2009 шш. - АА Атәылахьчара аминистрра аимадара аҟәша аиҳабыс дыҟоуп.
2009 – 2020 шш. – АА аимадареи амассатә информациа ахархәагақәеи аҳәынҭқарратә хылаԥшра рыҭара амаҵзура АЕХ ахылаԥшра аҟәша анапхгаҩы ихаҭыԥуаҩ – аиҳабы.
2020 ш. инаркны иахьа уажәраанӡа – АИА «Арадиоццакра ацентр» адиректорс дыҟоуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org